മുസ്ലീം ലീഗ് നേതാവിൻ്റെ വീടിന് നേരെ കല്ലേറ്,അതിഞ്ഞാലിലെ അഞ്ച് എസ് ഡി പി ഐപ്രവർത്തകരെ സംശയിക്കുന്നതായി എഫ് ഐ ആർ

 കാഞ്ഞങ്ങാട്: അജാനൂരിലെ പ്രാദേശിക മുസ്ലിം ലിഗ് നേതാവ്  ഹമീദ് ചേരക്കാടത്തിൻ്റെ വീടിന് നേരെയുണ്ടായ കല്ലേറിൽ അതിഞ്ഞാലിലെ അഞ്ച് എസ് ഡി പി ഐ പ്രവർത്തകരെ സംശയിക്കുന്നതായി പോലീസ് എഫ് ഐ ആർ.ഹമീദിൻ്റെ പരാതിയിൽ അജ്മൽ, നവാസ്, ഇബ്രാഹീം, സലാഹുദ്ദീൻ, അനാസ് എന്നിവരെ സംശയിക്കുന്നതായാണ് ഹൊസ്ദുർഗ് പോലീസ് കേസെടുത്തത്.

വെള്ളിയാഴ്ച രാത്രി ഒൻപതര മണിയോടെയാണ് കല്ലേറ് നടന്നത്. അതിഞ്ഞാൽ അംഗൺവാടിക്ക് പിറകിലുള്ള ഇടവഴി ആരംഭിക്കുന്ന ഹമീദിൻ്റെ വീട്ട് വളപ്പിൽ അതിക്രമിച്ചു കയറി കല്ലെറിഞ്ഞെന്നാണ് കേസ്.

കഴിഞ്ഞ ദിവസം   ബസ്സ് കാത്തിരിപ്പ് കേന്ദ്രം സ്ഥാപിക്കാൻ എസ് ഡി പി ഐ പ്രവർത്തകരുടെ നേതൃത്വത്തിൽ നടന്ന ശ്രമം തടഞ്ഞതാണ് കാരണമെന്ന് പറയുന്നു