കുറുവ സംഘമെന്ന് സംശയം സി സി ടി വി ദൃശ്യം ലഭിച്ചു ജനങ്ങൾ കടുത്ത ജാഗ്രത പാലിക്കണമെന്ന് പൊലീസ് ഇവരെ കാണുന്നവർ ഉടൻ പൊലീസിനെ അറിയിക്കണം

കാഞ്ഞങ്ങാട് :കുറുവ സംഘമെന്ന് സംശയിക്കുന്ന രണ്ടംഗ സംഘത്തിൻ്റെ സി സി ടി വിദ്യശ്യം പുറത്ത്.പൊലീസ് ആണ് സി.സി.ടി.വി ദ്യശ്യം പുറത്തുവിട്ടത്. കുറുവ സംഘങ്ങളെ കുറിച്ചുള്ള ഭീതി പരത്തുന്ന വാർത്തകൾക്കിടയിൽ നമുക്കിടയിലുള്ള ചില അപരിചിതരുടെ സാന്നിധ്യം ശ്രദ്ധിക്കാതെ പോകരുതെന്ന് പൊലീസ് പറയുന്നു. കഴിഞ്ഞ ദിവസം പടന്നക്കാട് ഒരു വീട്ടിലെ സിസി ക്യാമറയിൽ പതിഞ്ഞ മോഷ്ടാക്കളെന്ന് സംശയിക്കുന്നവരുടെ ദൃശ്യങ്ങളും ചിത്രങ്ങളുമാണ് പുറത്തുവിട്ടത്. ഇവരെ ശ്രദ്ധിക്കണമെന്നും പൊലീസിൽ അറിയിക്കണമെന്നും പൊലീസ് പറഞ്ഞു. പ്രധാന റോഡിൽ നിന്നും പടന്നക്കാട്ടെ ഇടവഴിയിലേക്ക് കയറുന്ന ആരോഗ്യവാൻമാരായ രണ്ട് യുവാക്കൾ വീടുകളെ വ്യക്തമായി വീക്ഷിക്കുന്നത് ക്യാമറയിലുണ്ട്. സംഘം കുറുവ സംഘത്തിൽ പെട്ടവരാകാമെന്ന പൊലീസിൻ്റെ ബലമായ സംശയത്തെ തുടർന്നാണ് ദൃശ്യം പുറത്തുവിട്ടത്. ഇവരെ കാണുന്ന വർ ഉടൻ വിവരം അറിയിക്കണമെന്നും വീട്ടുകാർ മുഴുവൻ ശ്രദ്ധിക്കണമെന്നും പൊലീസ് പറഞ്ഞു. കാണുന്ന വർ താഴെ പറയുന്ന പൊലീസിൻ്റെ നമ്പറിൽ അറിയിക്കണം. ഫോൺ 9497980928 എം.വി. വിഷ്ണുപ്രസാദ് (സബ് ഇൻസ്പെക്ടർ നീലേശ്വരം) (ജനമൈത്രി ബീറ്റ്ഓഫീസേഴ്സ്) രാജേഷ് 9497927904 ദിലീഷ് പള്ളിക്കൈ 9497928799 നീലേശ്വരം പൊലീസ് സ്റ്റേഷൻ.