പശുബൈക്കിലിടിച്ച് യാത്രക്കാരന് പരിക്ക്, ഉടമക്കെതിരെ കേസ്

കാഞ്ഞങ്ങാട്: പശു മോട്ടോർ ബൈക്കിലിടിച്ച് യുവാവിന് പരിക്ക്. അലക്ഷ്യമായി പശുവിനെ റോഡിൽ അഴിച്ചുവിട്ട ഉടമക്കെതിരെ പോലീസ് കേസ്.

കുണ്ടംകുഴിയിലെ പി.പ്രമോദ് 34 നാണ് പരിക്ക്. പശു ഉടമ ബേഡഡുക്ക കമലം വളപ്പ് നാരായണനെതിരെയാണ് ബേഡകം പോലീസ് കേസെടുത്തത്.

കഴിഞ്ഞ ദിവസം വൈകീട്ട് വെളുങ്ങടുക്കത്താണ് അപകടം' കുണ്ടംകുഴിഭാഗത്ത് നിന്ന് പാണ്ടിക്കണ്ടം ഭാഗത്തേക്ക് പ്രമോദ് ബൈക്കിൽ പോകാവെയാണ് അപകടം.

ബൈക്കിന് മുന്നിലേക്ക് അലക്ഷ്യമായി പശുവിനെ അഴിച്ചുവിട്ട് അപകടം വരുത്തിയെന്നാണ് കേസ്