ആവശ്യക്കാരുണ്ടോ, മടിക്കൈയിൽ വാഴക്കുലകൾ കെട്ടിക്കിടക്കുകയാണ്

കാഞ്ഞങ്ങാട്:മടിക്കൈയിൽ നേന്ത്രവാഴക്കുലകൾ കെട്ടികിടക്കുകയാണ്.ആവശ്യക്കാരെ കണ്ടെത്തി സഹായിക്കാൻ അഭ്യർത്ഥിക്കുകയാണ് കർഷകർ.

ജില്ലയിൽ ഏറ്റവും കൂടുതൽ നേന്ത്രവാഴ കൃഷി ചെയ്തുവരുന്ന മടിക്കൈയിൽ കഴിഞ്ഞ ഏതാനും വർഷങ്ങളായി കാലാവസ്ഥ വ്യതിയാനം മൂലം വാഴ കൃഷിക്കാർ വലിയ ദുരിതത്തിലാണ്. കഴിഞ്ഞ ദിവസങ്ങളിലായി

ശക്തമായ മഴയുണ്ടായത് പ്രവഹമായി.

വിളവെടുപ്പിന് പാകമായ നേന്ത്രക്കുലകൾ സമൃദ്ധമായ വാഴത്തോട്ടങ്ങൾ ശക്തമായ മഴയിൽ വെള്ളത്തിലായി. ചീഞ്ഞതും കാറ്റിൽ ചുവടു പറിക്കും കുറേ വാഴകൾ നശിച്ചു. ഈ ദുരിതത്തിൽ ആവശ്യക്കാർ കുറഞ്ഞത് ഇരട്ട പ്രഹരമായി.

കഴിഞ്ഞ ദിവസം വൈകിട്ട് വരെ ഒന്നാം നമ്പർ വാഴക്കുലകൾ ആറ് ക്വിന്റലും രണ്ടാം നമ്പർ 25 ക്വിന്റലും മൂന്നാം നമ്പർ 30 ക്വിന്റലുമാണ് വാങ്ങാൻ ആവശ്യക്കാർ വരുന്നതും കാത്ത് മടിക്കൈ വി.എഫ്.സി.കെ ഓഫീസിൽ കെട്ടികിടക്കുന്നത്. മൂന്നാം നമ്പർ നേന്ത്രക്കായയ്ക്ക് വിപണിയിൽ ആവശ്യക്കാർ പൊതുവെ കുറവാണെന്നതാണ് സങ്കടം. ഇത്തവണ സീസൺ തുടക്കത്തിൽ 60 മുതൽ 62 രൂപവരെ നേന്ത്ര കായയ്ക്ക് വില ലഭിച്ചിരുന്നു. ഇപ്പോൾ 30 രൂപയാണ് വില. വായ്പയെടുത്ത് കൃഷിയിറക്കിയ കർഷകർക്ക് മുടക്കു മുതൽ പോലും തിരിച്ചു കിട്ടാത്ത സ്ഥിതിയായി. സാഹചര്യത്തിൽ കർഷകരെ ചേർത്തുപിടിച്ച് ആവശ്യക്കാരെ കണ്ടെത്താനും വാഴക്കുലകൾ വാങ്ങിക്കാനും കഴിയാവുന്ന സഹായങ്ങൾ ചെയ്യണമെന്നു ജനപ്രതിനിധികൾ അഭ്യർത്ഥിക്കുന്നു

ഓർഡർ ചെയ്യാൻ വി എഫ് സി കെ യിലെ നമ്പറിലേക്ക് വിളിക്കാം.

വില

1- നമ്പർ -42/ കിലോ

2 - നമ്പർ 32/കിലോ

3 - നമ്പർ 15/കിലോ