എ ഐ ക്യാമറയാണ് താരം കാഞ്ഞങ്ങാട്ട് നിന്നും ബൈക്ക് മോഷ്ടിച്ച പ്രതി അറസ്റ്റിൽ

കാഞ്ഞങ്ങാട് : കാഞ്ഞങ്ങാട്ട് നിന്നും

മോഷ്ടിച്ച ബൈക്കുമായി കോഴിക്കോട്

എ.ഐ ക്യാമറയിൽ കുടുങ്ങിയ  കള്ളൻ ഒടുവിൽ പിടിയിലായി. കോഴിക്കോട് കാരയാട് പുനത്തിൽ മീത്തൽ ഹൗസിൽ വി. പി. അഭിനവിനെയാണ്(19) ഹോസ്ദുർ​ഗ് പൊലീസ്  പിടികൂടിയത്. മോഷ്ടിച്ച ബൈക്ക് ഉടമയ്ക്ക് ട്രാഫിക് നിയമലംഘനത്തിന്  പിഴയടക്കാൻ തുരു തുരെനോട്ടീസ് വന്നതോടെയാണ് മോഷ്ടാവിന് കുരുക്കായത്. പുതിയ കോട്ടയിലെ ബി.എം.എസ് ചുമട്ടുതൊഴിലാളി ഏച്ചിക്കാനം ചെമ്പിലോട് സ്വദേശി കെ ഭാസ്കരന്റെ താണ് മോട്ടോർ ബൈക്ക് . മോഷ്ടാവ് നാലു തവണ നിയമ ലംഘനം നടത്തിയതിന് പിഴയടക്കാൻ ഭാസ്ക്കരന് നോട്ടീസ് വന്നിരുന്നു.

 ജൂൺ 27 ന് വൈകീട്ടാണ് ഭാസ്കരന്റെ ബൈക്ക് പുതിയ കോട്ടയിൽ നിർത്തിയിട്ടിരുന്ന ഷോപ്പിംഗ് കോംപ്ലക്സിൽ നിന്നും മോഷണം പോയത്.  കൊയിലാണ്ടി ഭാഗത്തെ എ ഐ ക്യാമറയിലാണ് ഹെൽമറ്റ് ധരിക്കാതെ സഞ്ചരിച്ച മോഷ്ടാവ് ക്യാമറയിൽ കുടുങ്ങിയത്. തുടരെ തുടരെ നോട്ടീസ് വന്നതോടെ വീണ്ടും പൊലീസിനെ സമീപിക്കുകയായിരുന്നു. ഹോസുർഗ് പൊലീസ് മോഷണത്തിന് കേസെടുത്തതിന് പിന്നാലെ  എഐക്യാമറ പുറത്ത് വിട്ട ചിത്രത്തിലൂടെ പ്രതിയെ തിരിച്ചറിയുകയായിരുന്നു. മോഷ്ടാവിനെ കാഞ്ഞങ്ങാട്ടെത്തിച്ചു. മോഷ്ടാവിനെ കണ്ടെത്തുന്നതിൽ താരമായത്എ ഐ ക്യാമറയാണ് . എ ഐ ക്യാമറയാണ് താരം.

പടം :1.ബൈക്കുടമ ഭാസ്ക്കരൻ തനിക്ക് ലഭിച്ചനോട്ടീസുമായി.

2, പിടിയിലായ പ്രതി.