കാഞ്ഞങ്ങാട് :ചെമ്മനാട് പരവനടുക്കത്തെ എൻ.എ.മുഹമ്മദ് ഷാഫി (54) നിര്യാതനായി. ബഹ്റൈൻ കെ എം സി ഉദുമ മണ്ഡലം പ്രവർത്തക സമിതി മെമ്പറും സജീവമുസ്ലിം ലീഗ് പ്രവർത്തകനുമായിരുന്നു.
കൈന്താർ അൽ ഹുദാ മസ്ജിദ് ഇമാമായിരുന്ന പരേതനായ എൻ.എ.അഹമ്മദിൻ്റെയും കൂളിയങ്കാൽ എം..കെ.ബീഫാത്തിമ്മയുടെയും മകനാണ്. ഭാര്യ: ഫസീല. മക്കൾ: ഷംസീന, ആയിശത്ത് അഫ്നാൻ. മരുമകൻ: എൻ.എ.ആഷിഖ് .
കാസർകോട് ബ്ലോക്ക് പഞ്ചായത്ത് മെമ്പറും ചെമ്മനാട് ജമാഅത്ത് ജനറൽ സെക്രട്ടറിയുമായ എൻ.എ. ബദറുൽ മുനീർ, സീനത്ത്, സൈനബ, പരേതരായ ഖൈറുന്നിസ, ഫസലുറഹ്മാൻ എന്നിവർ സഹോദരങ്ങളാണ്.
എം എൽ എ മാരായ ഇ.ചന്ദ്രശേഖരൻ, എൻ എ . നെല്ലിക്കുന്ന്, മുൻ എംഎൽഎ സി ടി അഹമ്മദലി, ജില്ലാ മുസ്ലിം ലീഗ് പ്രസിഡണ്ട് കല ട്ര മാഹിൻ ഹാജി, ജില്ലാ മുസ്ലിം ലീഗ് ജനറൽ സെക്രട്ടറി എ.അബ്ദുറഹിമാൻ മുസ്ലിം ലീഗിൻ്റെ മറ്റു ഉന്നത നേതാക്കൾ എന്നിവർ വസതിയിലെത്തി അനുശോചനമറിയിച്ചു.
ജനാവലിയുടെ സാന്നിദ്ധ്യത്തിൽ ചെമ്മനാട് ജുമാ മസ്ജിദ് ഖബർസ്ഥാനിൽ മറവ് ചെയ്തു.
0 Comments