കാഞ്ഞങ്ങാട്ട് യുവതിയെ കാറിനുള്ളിൽ ബലാൽസംഗം ചെയ്തു

കാഞ്ഞങ്ങാട് :കാഞ്ഞങ്ങാട്ട് അഞ്ച് മക്കളുടെ മാതാവായ യുവതിയെ കാറിനുള്ളിൽ ബലാൽസംഗം ചെയ്തു. ഹോസ്ദുർഗിൽ വാടക വീട്ടിൽ താമസിക്കുന്ന കാസർകോട് സ്വദേശിനിയായ 36 കാരിയാണ് പീഡനത്തിനിരയായത്. ഇന്നലെയാണ് യുവതി കാറിനുള്ളിൽ പീഡനത്തിനിരയായത്. കാഞ്ഞങ്ങാട് നിന്നും യുവതിയെ കാറിൽ കയറ്റി കൊണ്ട് പോയി  തെങ്ങിൻ തോപ്പിൽ നിർത്തിയിട്ട ശേഷം കാറിനുള്ളിൽ വെച്ച് ബലാൽസംഗം ചെയ്യുകയായിരുന്നുവെന്നാണ് പരാതി. സംഭവത്തിൽ യുവതി പൊലീസിൽ നൽകിയ പരാതി പ്രകാരം കാഞ്ഞങ്ങാട് സ്വദേശി മജീദിനെതിരെ ഹോസ്ദുർഗ് പൊലീസ് ബലാൽസംഗ കുറ്റം ചുമത്തി കേസെടുത്തു. പ്രതിയെ കണ്ടെത്താൻ അന്വേഷണം നടക്കുന്നതായി ഹോസ്ദുർഗ് പൊലീസ് ഇൻസ്പെക്ടർ കെ.പി.ഷൈൻ ഉത്തര മലബാറിനോട് പറഞ്ഞു. പ്രതിയും യുവതിയും മുൻപരിചയമുണ്ട്. യുവതിയുടെ കുട്ടിക്ക് സുഖമില്ലാത്ത സമയം സഹായിക്കാനെന്ന പേരിൽ ബന്ധം സ്ഥാപിക്കുകയായിരുന്നു. ഈ പരിചയത്തിലായിരുന്നു യുവതിയെ കാറിൽ കയറ്റി കൊണ്ട് പോയത്.