ലോക്സഭ തിരഞ്ഞെടുപ്പിനിടെ പൊലീസ് സ്റ്റിക്കർ പതിച്ച കാർ വീട്ടുമുറ്റത്ത് നിന്നും പിടികൂടി വാറൻ്റ് പ്രതിയായ യുവാവിനെ തിരയുന്നു

കാഞ്ഞങ്ങാട് :ലോക്സഭ തിരഞ്ഞെടുപ്പിനിടെ പൊലീസ് സ്റ്റിക്കർ പതിച്ചകാർ വീട്ടുമുറ്റത്ത് നിന്നും പൊലീസ് പിടികൂടി. കാർ ഉപയോഗിക്കുന്ന

 വാറൻ്റ് പ്രതിയായ യുവാവിനെ പൊലീസ് തിരയുന്നു. തെക്കിൽ മുഡംബയൽ ബി. അഹമ്മദിൻ്റെ 85 വീട്ടുമുറ്റത്ത് നിന്നു മാണ് ഇന്നലെ മേൽപ്പറമ്പ

പൊലീസ്, പൊലീസിൻ്റെ സ്റ്റിക്കർ പതിച്ച കാർ കണ്ടെത്തിയത്. തിരഞ്ഞെടുപ്പിനിടെ രഹസ്യ വിവരത്തെ തുടർന്നായിരുന്നു പൊലീസ് കാർ പിടികൂടിയത്. അഹമ്മദിൻ്റെ മകൻ ഫജാസ് എന്ന അബ്ദുൾ ഫജാ സാണ് 32 കാർ ഉപയോഗിക്കുന്നതെന്ന് വീട്ടുകാർ പൊലീസിനോട് പറഞ്ഞു. ഫജാസ് ഇവിടെ ഇല്ലെന്നും വീട്ടുകാർ പൊലീസിനെ അറിയിച്ചു. ഫജാസ് കാസർകോട് കോടതി കേസിൽ വാറൻ്റ് പുറപ്പെടുവിച്ചിട്ടുള്ള പ്രതിയാണെന്നും പൊലീസ് പറഞ്ഞു. ഇലക്ഷൻ ഡ്യൂട്ടിയുമായി ബന്ധപെട്ട്

പൊലീസ് ഉപയോഗിക്കുന്ന വാഹനമാണെന്ന് തെറ്റിദ്ധരിപ്പിച്ച് കുറ്റം ചെയ്യാനുള്ള സാധ്യതയുണ്ടെന്നാണ് പൊലീസ് നിഗമനം. വീട്ടിൽ നിന്നും ക്രെയിൻ ഉപയോഗിച്ച് കാർ പൊലീസ് സ്റ്റേഷനിലേക്ക് മാറ്റി. പൊലീസ് ഫജാസിനെതിരെ കേസെടുത്തു.