അതിരാവിലെ ജില്ലാ കലക്ടർ റെയിഡിനിറങ്ങി പൂഴി കടത്തുന്നതിനിടെ ലോറികൾ പിടികൂടി

കാസർകോട് :ജില്ലാ കലക്ടർ കെ.ഇമ്പശേഖർ നേരിട്ട് നടത്തിയ റെയ്ഡിൽ അനധികൃതമായി മണൽ കടത്തുകയായിരുന്ന ഒരു 'ലോറിയും നാല് ടൺ മണലും മണൽ കടത്തുന്നതിന് ഉപയോഗിച്ചിരുന്ന ഡ്രൈവറുടെ മൊബൈൽ ഫോണുംപിടികൂടി . ഇന്ന് അതിരാവിലെ കൊഡല്മെർക്കള വില്ലേജിലെ ചേവാർ റോഡിലാണ് മണൽ പിടികൂടിയത്. അനധികൃത ചെങ്കൽ ഖനനവും മണൽക്കടത്തും തടയുന്നതിന് ജില്ലാകലക്ടറുടെ നേതൃത്വത്വത്തിൽ നടത്തിവരുന്ന ശക്തമായ നടപടികളുടെ ഭാഗമായാണ് പിടി കൂടിയത്. ഇന്നലെ മഞ്ചേശ്വരം താലൂക്കിൽ ആറ് വാഹനങ്ങൾ പിടികൂടിയിരുന്നു  ജില്ലയിൽ എല്ലായിടത്തുഅനധികൃത മണൽക്കടത്തും ചെങ്കൽ ഖനനവും ഉൾപ്പടെ നിയമവിരുദ്ധ പ്രവർത്തനങ്ങൾ നടത്തുന്നവർക്കെതിരെ കർശനനടപടി തുടരുമെന്ന് ജില്ല കലക്ടകെ. ഇമ്പശേഖർ അറിയിച്ചു.