കണ്ണൂർ: ചക്കരക്കൽ ബാവോട് രണ്ട് ഐസ്ക്രീം ബോംബുകൾ പൊട്ടിത്തെറിച്ചു. പുലർച്ചെ മൂന്നിമണിയോടെയാണ് സംഭവം. അക്രമികൾക്കായുള്ള തെരച്ചിൽ ആരംഭിച്ചു. ആളപായമോ നാശനഷ്ടങ്ങളോ ഉണ്ടായിട്ടില്ല.
പ്രദേശത്ത് സിപിഎം-ബിജെപ് സംഘാർഷാവസ്ഥ നിലനിൽക്കുന്നതിന്റെ പശ്ചാത്തലത്തിൽ പൊലീസ് പെട്രോളിങ് നടത്തുന്നുണ്ടായിരുന്നു. ഇതിനിടെയാണ് ബോംബ് സ്ഫോടനം നടന്നത്.ഇന്നലെയും പ്രദേശത്ത് കൊടിതോരണങ്ങൾ കെട്ടുന്നതുമായി ബന്ധപ്പെട്ടും പ്രശ്നങ്ങളുണ്ടായിരുന്നു. ഈ സാഹചര്യത്തിൽ പ്രദേശത്ത് പൊലിസ് പട്രോളിംഗ് ശക്തമാക്കിയിരുന്നു.
പട്രോളിംഗിന്റെ ഭാഗമായി രാവിലെ പൊലിസ് വാഹനം കടന്നു പോകുന്നതിനിടെയാണ് ബോംബ് പൊട്ടിത്തെറിക്കുന്നത്. പൊലിസ് വാഹനത്തിന്റെ ഏകദേശം 50 മീറ്റർ ദൂരത്ത് വെച്ചായിരുന്നു സ്ഫോടനം ഉണ്ടായത്. സംഭവത്തിൽ പൊലിസ് അന്വേഷണം തുടങ്ങി.
0 Comments