പ്രായപൂർത്തിയാകാത്ത കുട്ടിക്ക് വാടകക്ക് നൽകിയ ഇന്നോവ കാർ പൊലീസ് കസ്റ്റഡിയിൽ, ഉടമക്കെതിരെ കേസ്

കാഞ്ഞങ്ങാട്: 17 കാരന് കാർ വാടകയ്ക്ക് ഓടിക്കാൻ കൊടുത്തതിന് വെള്ളരിക്കുണ്ട്  സ്വദേശിക്കെതിരെ കേസെടുത്തു. പുന്നക്കുന്ന്  സജി എബ്രഹാ 54 മിനെതതിരെയാണ് രാജപുരം പൊലീസ് കേസെടുത്തത്.പരപ്പ സ്വദേശിയായ 17' കാരനാണ് ഇന്നോവ വാടകയ്ക്ക് നൽകിയത്.രാജപുരം എസ്. ഐ കെ. എം. കരുണാകരനും സംഘവും പാണത്തൂർ ചിറങ്കടവിൽ വാഹന പരിശോധന നടത്തുന്നതിനിടെയാണ് 17കാരൻ ഇന്നോവ കാറിൽ കാഞ്ഞങ്ങാട് ഭാഗത്തേക്ക് പോകുന്നത് ശ്രദ്ധയിൽപ്പെട്ടത്. പൊലീസ് വിവരങ്ങൾ ആരാഞ്ഞപ്പോഴാണ് കാർ സജി വാടകയ്ക്ക് നൽകിയതതാ ണെന്ന് പറഞ്ഞത്.കാർ  കസ്റ്റഡിയിലെടുത്ത  പോലീസ് 17കാരനെ മാതാവിനെ വിളിച്ചുവരുത്തി  കൂടെ പറഞ്ഞയച്ചു.