എസ്.ഐയെ ആക്രമിച്ച കേസിൽ പ്രതി റിമാൻ്റിൽ

കാഞ്ഞങ്ങാട്: എസ് ഐ യെ ഉൾപ്പെടെയുള്ളവരെ മൂക്കിനടിച്ച് പരിക്കേൽപ്പിച്ച യുവാവിനെ

കോടതി റിമാൻ്റ് ചെയ്തു .സ്കൂൾ പ്രഥമാധ്യാപികയുടെ പരാതിയിലും കേസെടുത്ത ശേഷമാണ് കോടതിയിൽ ഹാജരാക്കിയത്.

പനത്തടി പ്രാന്തർകാവ് ഗവ എൽ.പി സ്കൂൾ കോമ്പൗണ്ടിലെത്തി പരാക്രമം കാട്ടിയ  ചാമുണ്ഡിക്കുന്ന് ഗാന്ധിപുരം ശാസ്തമംഗലം ഹൗസിൽ പ്രമോദി 40 നെയാണ്

ഹോസ്ദുർഗ് ജുഡീഷ്യൽ മജിസ്ട്രേറ്റ് കോടതി റിമാൻ്റ് ചെയ്തത്. യുവാവി നെതിരെ രാജപുരം പൊലീസ് കേസെടുത്ത് അറസ്റ്റ് ചെയ്യുകയായിരുന്നു.

.പ്രഥമധ്യാപിക  പാടി മാനടുക്കം അശ്വതി നിവാസിൽ ജെ ശാന്തകുമാരിയുടെ പരാതിയിലാണ് രണ്ടാമത്തെ

 കേസ്.സ്കൂളിലെത്തി അശ്ലീല ഭാഷയിൽ തെറി വിളിക്കുകയും സ്കൂളിൽ ചെടിച്ചട്ടികൾ ഉൾപ്പെടെ തകർക്കുകയും ചെയ്തതിനാണ് കേസ്. പ്രതിക്കെതിരെ ബേഡകത്ത് പൊലീസിനെ ആക്രമിച്ചതിനുൾപെടെ കേസുണ്ടെന്ന് പൊലീസ് പറഞ്ഞു.