കാഞ്ഞങ്ങാട് ടൗണിൽ നിന്നും സ്കൂട്ടി മോഷ്ടിച്ച് കൊണ്ട് പോയി 28000 രൂപ കവർന്ന യുവാവ് അറസ്റ്റിൽ

കാഞ്ഞങ്ങാട് : സ്കൂട്ടർ മോഷ്ടിച്ച് കൊണ്ട് പോയി പണം കവർന്ന ശേഷം  ഉപേക്ഷിച്ച കേസിലെ പ്രതി പിടിയിൽ ചട്ടഞ്ചാൽ ബന്താട് താമസിക്കുന്ന നവാ സാണ് 35 പിടിയിലായത്. ആ വിയിലെ അൻസീറിൻ്റെ സ്കൂട്ടിയാണ് മോഷ്ടിച്ചത്. 12 ന് വൈകീട്ടാണ് സംഭവം. നോർത്ത് കോട്ടച്ചേരി റോഡരികിൽ നിർത്തിയിട്ട്തൊട്ടടുത്ത കടയിൽ കയറിയ നിമിഷങ്ങൾക്കകമായിരുന്നു മോഷണം. താക്കോൽ വാഹനത്തിൽ തന്നെയുണ്ടായിരുന്നു. ഈ സ്കൂട്ടർ പിന്നിട് അരകിലോമീറ്റർ അകലെ തെക്കെപ്പുറത്ത് ഉപേക്ഷിച്ച നിലയിൽ കണ്ടെത്തുകയായിരുന്നു. വാഹനത്തിൻ്റെ സീറ്റിനടിയിലെ ഡിക്കിൽ സൂക്ഷിച്ചിരുന്ന 28000 രൂപ മോഷ്ടിച്ച ശേഷമാണ് സ്കൂട്ടി ഉപേക്ഷിച്ചത്. ഹോസ് ദുർഗ് പൊലീസ് കേസെടുത്ത് അന്വേഷണം നടത്തിയതിലാണ് പ്രതി ഇന്ന് കുടുങ്ങിയത്. സിറ്റി മാൾബിൽഡിംഗിൻ്റെ  വാടക വാങ്ങുന്നജോലിക്കാരനായ അൻസീർ വാടക വാങ്ങാൻ പോകുന്ന യാത്രക്കിടെയായിരുന്നു സംഭവം. താക്കോൽ കാണുന്ന സ്കൂട്ടർ മോഷ്ടിച്ച് മറ്റെവിടെയെങ്കിലും ഉപേക്ഷിക്കുന്ന പ്രതി കെതിരെ വിവിധ പൊലീസ് സ്റ്റേഷനുകളിൽ കേസുണ്ട്. 9000 രൂപയുവാവിൽ നിന്നും കണ്ടെടുത്തു. ഹോസ്ദുർഗ് എസ്.ഐ എൻ . അൻസാറാണ് പ്രതിയെ അറസ്റ്റ് ചെയ്തത്.