വാഷിംഗ് മെഷീൻ പൊട്ടിത്തെറിച്ചു

കാഞ്ഞങ്ങാട്:ഉപയോഗിച്ച് കൊണ്ടിരിക്കെ വാഷിംഗ് മെഷീൻ പൊട്ടിത്തെറിച്ചു. സമിപത്തുണ്ടായിരുന്ന വീട്ടുകാർ അപകടത്തിൽ നിന്നും രക്ഷപെട്ടു. തകരാറിനെ 

 തുടർന്ന് കമ്പനി ഫ്രം ചട്ട മാത്രം മാറ്റി നൽകിയ വാഷിംഗ് മെഷീനാണ്  പൊട്ടിത്തെറിച്ചത് .

പള്ളിക്കര കല്ലിം കാലിലെ കുഞ്ഞബ്ദുള്ളയുടെ വീട്ടിലാണ് വാഷിംഗ് മെഷീൻ ഉഗ്ര ശബ്ദത്തിൽ പൊട്ടിയത്.വാഷിംഗ് മെഷീന്റെ ഡ്രയറിന്റെ ഭാഗമാണ് പൊട്ടിത്തെറിച്ചത്.കഴിഞ്ഞവർഷം നവംബറിലാണ് മെഷീൻ വാങ്ങിയത്. ഈ വർഷം ഏപ്രിലിലാണ് ആദ്യം തകരാറിലായത്.കമ്പനിയിലും കടയിലും പരാതി നൽകിയെങ്കിലും ആദ്യം ഗൗനിച്ചിരുന്നില്ല. പിന്നീട്  മെഷീൻ  മാറ്റി തരാമെന്ന്അറിയിച്ചെങ്കിലും   എത്താൻ കുറെ സമയം എടുക്കുമെന്നാണ് പറഞ്ഞത്.

ദിവസങ്ങൾക്ക് ശേഷം വീണ്ടും  ബന്ധപ്പെട്ടപ്പോൾ പുറംചട്ട മാത്രം മാറ്റിത്തരാം എന്ന് പറഞ്ഞു.ഈ രീതിയിലുള്ള മോഡൽ ഉൽപാദനം നിർത്തി എന്ന് പറഞ്ഞായിരുന്നു പുറംചട്ട മാറ്റാമെന്ന് അറിയിച്ചത്.മാറ്റിയതിനു പിന്നാലെയാണ് പൊട്ടിത്തെറിച്ചത്.വീട്ടുകാർ ഉപഭോക്തൃ കോടതിയെ സമീപിക്കാനുള്ള ഒരുക്കത്തിലാണ്.