അഞ്ച് ദിവസം വ്യാപകമായി ഇടിമിന്നലോട് കൂടി മഴക്ക് സാധ്യത

കാഞ്ഞങ്ങാട് :തെക്കൻ ശ്രീലങ്കക്ക്  മുകളിൽ  ചക്രവാത ചുഴി രൂപപ്പെട്ടു. റായലസീമ  മുതൽ കോമറിൻ  മേഖല വരെ  900 എം  ഉയരം വരെ  ന്യുന മർദ്ദ പാത്തി  സ്ഥിതിചെയ്യുന്നു.

ഇതിന്റെ ഫലമായി കേരളത്തിൽ അടുത്ത 5 ദിവസം വ്യാപകമായി  ഇടിമിന്നലോട് കൂടിയ മിതമായ, ഇടത്തരം മഴക്ക് സാധ്യത.

ഒറ്റപ്പെട്ട സ്ഥലങ്ങളിൽ  ആഗസ്റ്റ് 13 മുതൽ 15 വരെ അതിശക്തമായ മഴക്കും ആഗസ്റ്റ് 13 മുതൽ 17 വരെ  ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.