പള്ളിയിൽ മുറിയുടെ വാതിൽ പൂട്ട് തകർത്ത് ഉസ്താദിൻ്റെ 18000 രൂപ കവർന്നു

കാഞ്ഞങ്ങാട് :പള്ളിയിലെ  മുറി കുത്തി തുറന്ന് മദ്രസ അധ്യാപകൻ്റെ 18000 രൂപ കവർന്നു. പടന്നക്കാട് കരുവളത്തെ സിദ്ദീഖ് മസ്ജിദിലാണ് മോഷണം. ഉസ്താദ് മലപ്പുറം എടക്കര സ്വദേശി എം.ടി. ഹംസയുടെ പണമാണ് കവർന്നത്. വൈകീട്ട് 4 നും 6 മണിക്കുമിടയിലാണ് മോഷണം. മുറിയുടെ വാതിലിൻ്റെ പൂട്ട് പൊളിച്ചാണ് മോഷ്ടാവ് അകത്തു കയറിയത്. ഹോസ്ദുർഗ് പൊലീസ് കേസെടുത്ത് അന്വേഷിക്കുന്നു.