കള്ളാർ സ്വദേശിയായ യുവാവിനെ ചൈനയിൽ കപ്പലിൽ കാണാതായി

കാഞ്ഞങ്ങാട് :കള്ളാർ സ്വദേശിയായ യുവാവിനെ ചൈനയിൽ നിന്നുള്ള കപ്പൽ യാത്രക്കിടെ കാണാതായി. അഞ്ചാലയിലെ പറക്കയം ആൽബർട്ട് ആൻ്റണിയെ 21 യാണ് കാണാതായത്. ഫിനാജി മാരിടൈം എന്ന കപ്പലിൽ നിന്നു മാണ് ഇന്നലെ മുതൽ കാണാതായത്. ഈ കപ്പലിലെ ജീവനക്കാരനാണ്. ആറ് മാസം മുൻപാണ് കപ്പലിൽ ജോലിയിൽ പ്രവേശിച്ചത്. ചൈനയിൽ നിന്നും സൗത്ത് ആഫ്രിക്കയിലേക്കുള്ള യാത്രക്കിടെ ശ്രീലങ്കയിൽ നിന്നും 100 നോട്ടിക്കൽ മൈൽ അകലെ നിന്നും കാണാതായെന്നാണ് വിവരം. കപ്പൽ അധികൃതർ ഇതേകമ്പനിയുടെ മറ്റൊരു കപ്പൽ ജീവനക്കാരനായ കാസർകോട് സ്വദേശിയെ ഇ-മെയിൽ വഴി അറിയിച്ചു. അവധിയിൽ കാസർകോടുള്ള ഇദ്ദേഹമാണ് വിവരം വീട്ടുകാരെ അറിയിച്ചത്. കഴിഞ്ഞ ദിവസം ആൽബർട്ട് വീട്ടിലേക്ക് വിളിച്ചിരുന്നു. കപ്പലിൽ കയറുന്നതിന് മുൻപ് എടുത്ത തൻ്റെ ഫോട്ടോയുവാവ് വീട്ടുകാർക്ക് അയച്ച് കൊടുത്തിരുന്നു. കപ്പൽ അധികൃതർ ഇന്ന് വൈകീട്ട് വീട്ടിലെത്തുന്നുണ്ട്.