മോട്ടോർ സ്ഥാപിക്കുന്നതിനിടെ കിണറിൽ വീണ യുവാവ് മരിച്ചു

കാഞ്ഞങ്ങാട് :മോട്ടോർ സ്ഥാപിക്കുന്ന

തിനിടെ കിണറിൽ വീണ 

യുവാവ് ആശുപത്രിയിൽ മരിച്ചു. വെസ്റ്റ് എളേരി ചാമക്കുളം അരീപറമ്പിൽ ടോമിയുടെ മകൻ ടി.എ. ടോണി 31 യാണ് മരിച്ചത്. ഇന്നലെ രാത്രി കണ്ണൂർ മിംസ് ആശുപത്രിയിലാണ് മരിച്ചത്. കഴിഞ്ഞ 19 നായിരുന്നു അപകടം. കൊന്നക്കാട് വെങ്കല്ല് കാരുപ്പള്ളിയിൽ കെ എ . ജിജോ മോൻ്റെ വീട്ടിലെ കിണറിൽ മോട്ടോർ സ്ഥാപിക്കുന്നതിനിടെ കിണറിൽ വീഴുകയായിരുന്നു. ഗുരുതരാവസ്ഥയിലായ യുവാവിൻ്റെ ചികിൽസക്കായി ഇന്നലെ ഒരു മണിക്കൂർ കൊണ്ട് നാട്ടുകാർ ഏഴ് ലക്ഷം രൂപ പിരിച്ചെടുത്തിരുന്നു. എന്നാൽ സഹായത്തിന് കാത്ത് നിൽക്കാതെ ടോണി യാത്രയായി.