കൊലപാതകം, കൊലപാതക ശ്രമം, ഭാര്യയെ പെട്രോൾ ഒഴിച്ച് തീ കൊളുത്തി കൊല്ലാൻ ശ്രമം, ലഹരി കടത്ത്, രണ്ട് സ്ത്രീകൾക്കൊപ്പം നിർത്തി പണം തട്ടൽ പ്രതിയെ ജയിലിലടച്ചു

കാഞ്ഞങ്ങാട് :കൊലപാതകം, കൊലപാതക ശ്രമം, ഭാര്യയെ പെട്രോൾ ഒഴിച്ച് തീ കൊളുത്തി കൊല്ലാൻ ശ്രമം, ലഹരി കടത്ത്, രണ്ട് സ്ത്രീകൾക്കൊപ്പം നിർത്തി പണം തട്ടൽ ഉൾപെടെ നിരവധി കേസുകളിലെ പ്രതിയെ പൊലീസ് കാപ്പ ചുമത്തി ജയിലിലടച്ചു. മാവിനക്കട്ടയിലെ

അഭിലാഷ് എന്ന ഹബീബിനെ 30 യാണ് കുമ്പള ഇൻസ്പെക്ടർ കെ.പി. വിനോദ് കുമാർ അറസ്റ്റ് ചെയ്ത് കണ്ണൂർ സെൻട്രൽ ജയിലിലടച്ചത്. സമൂസ റഷീദിനെ തലയിൽ കല്ലിട്ട് കൊലപെടുത്തിയതിനും ഓട്ടോ ഡ്രൈവറെ കുത്തി കൊലപെടുത്താൻ ശ്രമിച്ചതിനും പ്രതിക്കെതിരെ കുമ്പള പൊലീസിൽ കേസുണ്ട്. രണ്ട് സ്ത്രീകൾക്കൊപ്പം യുവാവിനെ നിർത്തി നഗ്ന ഫോട്ടോ എടുത്ത് 15 ലക്ഷം രൂപ ആവശ്യപെടുകയും അഞ്ച് ലക്ഷത്തിലേറെ രൂപതട്ടിയെടുക്കുകയും ചെയ്തതിന് ബേഡകം പൊലീസിലും കേസുണ്ട്. ഭാര്യയെ പെട്രോൾ ഒഴിച്ച് തീ കൊളുത്തി കൊല്ലാൻ ശ്രമിച്ചതിന് പ്രതിക്കെതിരെ കാസർകോട് വനിത പൊലീസിലും കേസുണ്ട്. നീലേശ്വരം പൊലീസിൽ എം.ഡി.എം.എയും കഞ്ചാവ് കടത്തിയതിനും കേസുണ്ട്. കണ്ണൂർ സെൻട്രൽ ജയിലിലേക്ക് കഞ്ചാവ് ഒളിപ്പിച്ച് കടത്തിയതിന് കണ്ണൂർ പൊലീസിലും കേസുണ്ടെന്ന് പൊലീസ് അറിയിച്ചു.