23 കാരനെ പൊലീസ് അറസ്റ്റ് ചെയ്തു. കണ്ണൂർ റേഞ്ച് തലത്തിൽ നടക്കുന്ന കോമ്പിങിന്റെ ഭാഗമായി നടത്തിയ പരിശോധനയിലാണ് എം ഡി എം എ യുമായി യുവാവിനെ ബദിയടുക്ക പൊലീസ് പിടികൂടിയത്. രഹസ്യ വിവരത്തിന്റെ അടിസ്ഥനത്തിൽ പ്രതിയുടെ വീട് പരിശോധിച്ചതിലാണ് വീട്ടിൽ നിന്നും 107.090 ഗ്രാം എം ഡി എം എ പിടിച്ചെടുത്തത്. നെക്രാജെ പ്ലാവിൻതോടി സ്വദേശി മുഹമ്മദ് റഫീഖ് ആണ് പിടിയിലായത്.
പൊലീസ് കോമ്പിങ് ഡ്യൂട്ടി ചെയ്തു വരുന്നതിനിന്ടെ രാവിലെ 7.25 മണിയോടെ നീർച്ചാൽ എത്തിയപ്പോൾ ആണ് പിടിയിലായ മുഹമ്മദ് റഫീഖിന്റെ വീട്ടിൽ നിരോധിത ലഹരി വസ്തു സൂക്ഷിച്ചതായ വിവരം ലഭിക്കുന്നതും റെയ്ഡ് നടത്തിയതും . പ്രതിയുടെ മുറി പരിശോധിച്ചപ്പോൾ കട്ടിലിലെ കിടയ്ക്കക്ക് അടിയിലായി സൂക്ഷിച്ച നിലയിലായിരുന്നു എം ഡി എം എ കണ്ടെത്തിയത്.
ജില്ലാ പൊലീസ് മേധാവി ബി. വി. വിജയ ഭരത് റെഡ്‌ഡിയുടെ നിർദ്ദേശ പ്രകാരം വിദ്യാനഗർ ഇൻസ്‌പെക്ടർ യു.പി.
വിപിൻ്റെ മേൽനോട്ടത്തിൽ എസ് ഐ പ്രതീഷ് കുമാർ , ബദിയടുക്ക പ്രൊബേഷൻ എസ് ഐ രൂപേഷ്, എസ് ഐ രാധാകൃഷ്ണൻ, സിവിൽ ഓഫീസർ മാരായ നിജിൻ കുമാർ, രജീഷ് കാട്ടാമ്പള്ളി, ഹരിപ്രസാദ്, അനിത എന്നിവർ ചേർന്നാണ് വീട് റൈഡ് ചെയതത്. ഗസറ്റഡ് ഓഫീസർ കാസർകോട് എക്സൈസ് സർക്കിൾ ഇൻസ്‌പെക്ടർ അരുണിന്റെ സാന്നിധ്യത്തിലായിരുന്നു പ്രതിയുടെ ദേഹ പരിശോധനയും മറ്റ് നടപടി ക്രമണങ്ങളും പൂർത്തീകരിച്ചത്.
0 Comments