175 ലിറ്റർ മദ്യവുമായി യുവതി അറസ്റ്റിൽ

കാസർകോട്:175.68 ലിറ്റർ ഗോവൻ നിർമ്മിത മദ്യവുമായി യുവതി അറസ്റ്റിൽ. കൂട്ട് പ്രതിയായ പെരിയ സ്വദേശിയെ തിരയുന്നു. തെക്കിൽ പറമ്പ ചെറുകരവള്ളിപ്ലാക്കൽ വി.പി. വിജയൻ്റെ മകൾ വിനിത 36 ആണ് അറസ്റ്റിലായത്. പെരിയനാലേക്കറയിലെ എൻ.വിനോദ് കുമാർ രക്ഷപ്പെട്ടു. പ്രതിക്കെതിരെ കേസെടുത്തു. കാസർകോട്

എക്സൈസ് എൻഫോഴ്സ്മെൻ്റ്  ആൻ്റി നാർക്കോട്ടിക് സ്പെഷ്യൽ സ്ക്വാഡ് ആണ് യുവതിയെ അറസ്ററ് ചെയ്തത്.

 അസി. എക്സൈസ് ഇൻസ്പെക്ടർ  സി. കെ. വി. സുരേഷ്  പ്രിവന്റിവ്  ഓഫീസർമാരായ കെ. നൗഷാദ് ,കെ.ആർ. പ്രജിത്ത് , സിവിൽ എക്സൈസ് ഓഫീസർമാരായ  സോനു സെബാസ്ട്യൻ , ടി വി . അതുൽ  , വി .വി. ഷിജിത്ത് വനിതാ സിവിൽ എക്സൈസ് ഓഫീസർമാരായ വി.റീന , ടി.വി. ധന്യ എന്നിവർ ചേർന്നായിരുന്നു മദ്യം പിടിച്ചത്. പ്രതി വിനോദ് കുമാർ മഞ്ചേശ്വരം എക്സൈസ് ചെക്ക്പോസ്റ്റിലൂടെ 2484 ലിറ്റർ ഗോവൻ മദ്യം കടത്തിയ കേസിലെയും പ്രതിയാണെന്ന് എക്സൈസ് പറഞ്ഞു.