കാഞ്ഞങ്ങാട് സൗത്ത് ഗ്യാസ് ടാങ്കർ അപകടം: സ്വകാര്യ ബസ് കസ്ററഡിയിൽ ഡ്രൈവർ അറസ്റ്റിൽ

കാഞ്ഞങ്ങാട് : സൗത്ത് ഗ്യാസ്ടാങ്കർ അപകടത്തി നിടയാക്കിയ സ്വകാര്യ ബസ് പൊലീസ് കസ്റ്റഡിയിലെടുത്തു. ഡ്രൈവർ അറസ്റ്റിൽ. ഹോസ്ദുർഗ് പൊലീസ് കഴിഞ്ഞ ദിവസം കേസെടുത്തതിന് പിന്നാലെയാണ് കൂടുതൽ നടപടികളിലേക്ക് കടന്നത്. കെ എൽ 40 പി7521 ക സിൻസ് ബസ് ആണ് കസ്റ്റഡിയിലുള്ളത്. ഡ്രൈവർ കാലിച്ചാനടുക്കം സ്വദേശി മിഥുൻ 30 ആണ് അറസ്റ്റിലായത്. ഇൻസ്പെക്ടർ പി. അജിത്ത് കുമാർ ആണ് പ്രതിയെ അറസ്റ്റ് ചെയ്തത്. ബി.എൻ എസ് 28 1 കേരള പൊലീസ് ആക്ട് 120 (i) മോട്ടോർ വാഹന വകുപ്പ് നിയമം 184, 17 7 (A) വകുപ്പുകൾ പ്രകാരമാണ് കേസ്. നീലേശ്വരം ഭാഗത്ത് നിന്നും തെറ്റായ ദിശയിൽ കൂടി വന്ന ടാങ്കറിനെ കടത്തിവിടാതെ അശ്രദ്ധമായി ബസ് ഓടിച്ചതായാണ് കേസ്. ഇത് മൂലം പൊതുജനങ്ങൾക്ക് ഭയാശങ്കയും ഗതാഗതതടസവുമുണ്ടാക്കിയതായും കേസിൽ പറയുന്നു.