കോരിച്ചൊരിയുന്ന മഴയിൽ ലഹരിക്കെതിരെ കാഞ്ഞങ്ങാട്ട് രമേശ് ചെന്നിത്തലയുടെ നടത്തം

കാഞ്ഞങ്ങാട് :കോരിച്ചൊരിയുന്ന മഴവക വെക്കാതെ ലഹരിക്കെതിരെ കാഞ്ഞങ്ങാട്ട് മുൻ പ്രതിപക്ഷ നേതാവ്

രമേശ് ചെന്നിത്തലയുടെ നടത്തം. ഇന്ന് വൈകീട്ട് 5.30 ന് ഇഖ്ബാൽ ജംഗ്ഷനിൽ നിന്നും നടത്തം ആരംഭിച്ചു.കേരളത്തെ കാർന്നു തിന്നുന്ന ലഹരി മാഫിയയ്ക്കെതിരെയാണ് മുൻ ആഭ്യന്തര മന്ത്രി കൂടിയായ രമേശ് ചെന്നിത്തലയുടെ നേതൃത്വത്തിൽ സമൂഹ നടത്തം സംഘടിപ്പിച്ചത്. യുവാക്കൾക്കിടയിൽ പടർന്നു പന്തലിക്കുന്ന ലഹരിമരുന്നു ഉപയോഗത്തിനെതിരെ കക്ഷി രാഷ്ട്രീയ വ്യത്യാസമില്ലാതെ എല്ലാവിഭാഗത്തിൽപ്പെട്ട ജനങ്ങളെയും അണിനിരത്തി ജനകീയ പ്രതിരോധം തീർക്കാനുള്ള ശ്രമത്തിന്റെ ഭാഗമായിട്ടാണ് ഈ മുന്നേറ്റം സംഘടിപ്പിച്ചത്. ലഹരിവിരുദ്ധ പ്രവർത്തനങ്ങൾക്കു വേണ്ടി പ്രൗഡ് കേരള എന്ന സംഘടനയുടെ നേതൃത്വത്തിൽ മാന്തോപ്പ് മൈതാനം വരെയാണ് ലഹരിവിരുദ്ധ സമൂഹ നടത്തം. വാക്കത്തോണിൽ വിദ്യാർഥികൾ, യുവജനങ്ങൾ, സന്നദ്ധ സംഘടനകൾ, മദ്യവിരുദ്ധ- ലഹരിവിരുദ്ധ സംഘടനകളുടെ പ്രതിനിധികൾ, സാംസ്കാരിക രാഷ്ട്രീയ മണ്ഡലങ്ങളിലെ പ്രമുഖർ, ആത്മീയ നേതാക്കൾ തുടങ്ങിയവർ പങ്കെടുക്കുന്നു. രാജ് മോഹൻ ഉണ്ണിത്താൻ എം.പി, പി.കെ. ഫൈസലടക്കം പങ്കെടുത്തു.