കാസർകോട് ജില്ലയിലെ എല്ലാ വിദ്യാഭ്യാസ സ്ഥാപനങ്ങളും നാളെ പ്രവർത്തിക്കും: ജില്ലാ കലക്ടർ

കാഞ്ഞങ്ങാട് :കാസർകോട് ജില്ലയിലെ എല്ലാ വിദ്യാഭ്യാസ സ്ഥാപനങ്ങളും നാളെ പ്രവർത്തിക്കും. ജില്ലാ കലക്ടർ അറിയിച്ചു.കേന്ദ്ര കാലാവസ്ഥാ വകുപ്പ് കാസർകോട് ജില്ലയിൽ നാളെ മഞ്ഞ അലർട്ട് ആണ് പ്രഖ്യാപിച്ചിട്ടുള്ളത് മഴയുടെ ശക്തി  കുറയുകയും ജലാശയങ്ങളിൽ ജലനിരപ്പ് താഴുകയും ചെയ്ത സാഹചര്യത്തിൽ നാളെ 21 ന് എല്ലാ വിദ്യാഭ്യാസ സ്ഥാപനങ്ങളും പ്രവർത്തിക്കുന്നതാണെന്ന് ജില്ലാ കളക്ടർ അറിയിച്ചു. വ്യാജപ്രചാരണം നടത്തുന്നവർക്കെതിരെ നടപടി സ്വീകരിക്കുന്നതാണെന്നും കലക്ടർ അറിയിച്ചു. നാളെ അവധിയെന്ന് വ്യാജ പ്രചരണം നടക്കുന്നതായി വിവരം ലഭിച്ചതിനെ തുടർന്നാണ് ജില്ലാ കലക്ടർ നാളെ അവധിയില്ലെന്ന് അറിയിച്ചത്.