ഉസ്താദിൻ്റെ കാർ മദ്രസക്ക് മുന്നിൽ കത്തിച്ചു, പിന്നിൽ മറ്റൊരു ഉസ്താദ്

കാസർകോട്: പള്ളി ഉസ്താദിൻ്റെ കാർ മദ്രസക്ക് മുന്നിൽ തീവെച്ച് നശിപ്പിച്ചു. തീ വെപ്പിന് പിന്നിൽ മറ്റൊരു ഉസ്താദ്.സംശയിക്കുന്ന ഉസ്താദിനെ തിരെ പൊലീസ് കേസെടുത്തു. പൈക്ക ജുമാ മസ്ജിദിലെ ഉസ്താദ് കർണാടക മാഞ്ചി സ്വദേശി ഉസ്മാൻ റാസിഖിൻ്റെ 32 കാറാണ് കത്തിച്ചത്. ഇന്ന് പുലർച്ചെ 2.30 മണിയോടെയാണ് തീ വെച്ച് നശിപ്പിച്ചതായി കണ്ടെത്തിയത്. പൈക്ക ജുമാ മസ്ജിദിന് കീഴിലുള്ള മദ്രസക്ക് മുന്നിൽ നിർത്തിയിട്ടിരിന്ന സ്ഥലത്താണ് കത്തിച്ചത്. മുൻപ് ഉസ്താദായി ജോലി ചെയ്തിരുന്ന അബൂബക്കറിനെ സംശയിക്കുന്നതായി പരാതി നൽകിയതിൻ്റെ അടിസ്ഥാനത്തിൽ അബൂബക്കറിനെ പ്രതി ചേർത്ത് ബദിയഡുക്ക പൊലീസ് കേസെടുത്തു. പ്രതിയെന്ന് സംശയിക്കുന്ന ആളെ നേരത്തെ പള്ളികമ്മിറ്റി ജോലിയിൽ നിന്നും പിരിച്ച് വിട്ടിരുന്നു. പിരിച്ചു വിട്ട വിരോധമാകാം തീവെപ്പിന് പിന്നിലെന്ന് കരുതുന്നതായും പരാതിയിൽ പറഞ്ഞു.