ആസറ്റർ മിംസിൽ പ്രീലോഞ്ച് സൗജന്യ മെഡിക്കൽ ക്യാമ്പിന് തുടക്കമായി

കാസർകോട്: ആസ്റ്റർ മിംസ് ആശുപത്രിയുടെ ഉദ്ഘാടനത്തിന് മുന്നോടിയായി ചെങ്കള, ഇന്ദിരാനഗറിലെ ആശുപത്രിയിൽ  ഇന്ന് മുതൽ  സൗജന്യ മെഡിക്കൽ ക്യാമ്പ് ആരംഭിച്ചു. വർണാ

ഭമായ ചടങ്ങുകളോടെ ആരംഭിച്ച ക്യാമ്പിൽ നൂറുകണക്കിന് ആളുകളാണ് രജിസ്റ്റർ ചെയ്തത്. ജനങ്ങളുടെ ആവേശകരമായ പ്രതികരണം ആരോഗ്യപരിപാലനത്തിനായുള്ള അവരുടെ ആവശ്യവും ആസ്റ്റർ മിംസ് ആശുപത്രിയുടെ സേവനവും എത്ര വലുതാണെന്ന് സൂചിപ്പിക്കുന്നുവെന്നതിൻ്റെ തെളിവെന്ന് ബന്ധപെട്ടവർ പറഞ്ഞു.

ചെങ്കള ഗ്രാമപഞ്ചായത്ത് പ്രസിഡന്റ് ഖാദർ ബദരിയ ക്യാമ്പിന്റെ  ഉദ്ഘാടനം നിർവഹിച്ചു. കാസർകോടിൻ്റെ ആരോഗ്യ രംഗത്തെ ശോചനീയാവസ്ഥക്ക് ആശ്വാസം നൽകുന്ന വിധം അത്യാധുനിക ആശുപത്രി നിർമ്മിച്ചതിൽ ചെയർമാൻ ഡോ. ആസാദ് മൂപ്പനെയും അതിന് നിലമൊരുക്കിയ അഷ്റഫ് നായന്മാർമൂലയെയും ആസ്റ്റർ മിംസിൻ്റെ മുഴുവൻ ടീം അംഗങ്ങളെയും പ്രസിഡന്റ് അഭിനന്ദിച്ചു.  

വിവിധ മേഖലകളിൽ നിന്നുള്ള പ്രമുഖർ ചടങ്ങിൽ പങ്കെടുത്തു. ചെങ്കള ഗ്രാമപഞ്ചായത്ത് വാർഡ് മെമ്പർ ഹസീന റഷീദ് അധ്യക്ഷയായി.

ഡോ. സൂരജ് (സിഎംഎസ്-കേരള ക്ലസ്റ്റർ), ഡോ. അനൂപ് നമ്പ്യാർ (സിഒഒ - ആസ്റ്റർ മിംസ് കാസർകോട് , കണ്ണൂർ), ബ്രിജു മോഹൻ (എവിപി-എച്ച്ആർ കേരള ക്ലസ്റ്റർ), ഡോ. വിദ്യ (ഹെഡ് - ഗൈനക്കോളജി ഡിപ്പാർട്ട്‌മെന്റ്, ആസ്റ്റർ മിംസ് കാസർകോട്), നസീർ അഹമ്മദ് (എജിഎം-പബ്ലിക് റിലേഷൻസ് കോഴിക്കോട്, കണ്ണൂർ, കാസർകോട്), ആസ്റ്റർ വളണ്ടിയേഴ്‌സിനെ പ്രതിനിധീകരിച്ച് ഹസീം, ഡോ. വിനോദ് (സീനിയർ കൺസൾട്ടന്റ്, ജനറൽ സർജറി), ഡോ. നവാഫ് (കൺസൾട്ടന്റ് കാർഡിയോളജി), ഡോ. കെ. സന്തോഷ്  (സീനിയർ മാനേജർ, ഐടി കേരള ക്ലസ്റ്റർ), ഡോ. വിപിൻ (അസ്റ്റർ ലാബ്സ്)  ആശംസ നേർന്നു. ആസ്റ്റർ മിംസ് കാസർകോടിന്റെ ഹെഡ് ഓഫ് ഓപ്പറേഷൻസ് രഞ്ജു ആലപ്പാട്ട് സ്വാഗതം പറഞ്ഞു.  ഡോ. സാജിദ് (സിഎംഎസ്, ആസ്റ്റർ മിംസ് കാസർകോട്) എന്നിവർ നന്ദി പറഞ്ഞു. പ്രമുഖ ഡോക്ടർമാർ, ആശുപത്രി മാനേജ്‌മെന്റ് അംഗങ്ങൾ ചടങ്ങിൽ പങ്കെടുത്തു. 

ലഭ്യമായ സേവനങ്ങൾ:

ക്യാമ്പിൽ ജനറൽ മെഡിസിൻ, കാർഡിയോളജി, ഗൈനക്കോളജി.