മയക്ക് മരുന്ന് കേസിൽ ദന്തഡോക്ടർ അറസ്റ്റിൽ

കാഞ്ഞങ്ങാട് :സ്വിഫ്റ്റ് കാറിൽ നിന്നും എം.ഡി.എം. എയും കഞ്ചാവും പ പിടികൂടിയ കേസിൽ ദന്തഡോക്ടർ അറസ്റ്റിൽ. കാസർകോട്ടെ ദന്ത ഡോക്ടർ മുഹമ്മദ് സുനീർ ആണ് ഇന്ന്

വൈകീട്ട് പിടിയിലായത്. കരിവെള്ളൂർ സ്വദേശിയാണ്.

ചട്ടഞ്ചാലിൽ പൊലീസ് പിടികൂടിയ കാറിലുണ്ടായിരുന്ന ഡോക്ടർ ഇന്നലെ ഓടി രക്ഷപ്പെടുകയായിരുന്നു. ഡോക്ടർക്കെതിരെ മയക്ക് മരുന്ന് കേസ് റജിസ്ട്രർ ചെയ്തിരുന്നു. ചട്ടഞ്ചാൽ നിസാമുദീൻ നഗർ കുറക്കുന്ന് മൊട്ടയിലെ ബി.എം. അഹമ്മദ് കബീർ 36 ഇന്നലെ തന്നെ അറസ്റ്റിലായിരുന്നു.   സ്വിഫ്റ്റ് കാറും 3.28 ഗ്രാം എം.ഡി.എം.എയും 10.65 ഗ്രാം കഞ്ചാവും പൊലീസ് കസ്റ്റഡിയിലെടുത്തിരുന്നു.  ബേക്കൽ ഡി.വൈ.എസ്.പിയുടെ സ്ക്വാഡും മേൽപ്പറമ്പ പൊലീസും ചേർന്നാണ് കഞ്ചാവും എം.ഡി.എം എ യും പിടികൂടിയത്. പ്രതികളെ കോടതിയിൽ ഹാജരാക്കും.