കാഞ്ഞങ്ങാട്: പൾസ് പോളിയോ ഇമ്മ്യൂണൈസേഷൻ പരിപാടിയുടെ ഭാഗമായി പൾസ് പോളിയോ ദിനത്തിൽ ജില്ലയിലെ അഞ്ചു വയസിനു താഴെയുള്ള 90420 കുട്ടികൾക്ക് പോളിയോ തുള്ളി മരുന്ന് നൽകി. പൾസ് പോളിയോ ഇമ്മ്യൂണൈസേഷൻ പരിപാടിയുടെ ജില്ലാതല ഉദ്ഘാടനം ഉദുമ നിയോജകമണ്ഡലം എംഎൽഎ സി .എച്ച്. കുഞ്ഞമ്പു നിർവഹിച്ചു. പള്ളിക്കര ഗ്രാമപഞ്ചായത്ത് പ്രസിഡന്റ് എം. കുമാരൻ അധ്യക്ഷനായിരുന്നു. ജില്ലാ മെഡിക്കൽ ഓഫീസ് (ആരോഗ്യം) ഡെപ്യൂട്ടി ഡി എം ഒ ഡോ. ബി. സന്തോഷ് മുഖ്യപ്രഭാഷണം നടത്തി. ജില്ലാ മെഡിക്കൽ ഓഫീസ് (ആരോഗ്യം), ദേശീയ ആരോഗ്യ ദൗത്യം എന്നിവയുടെ ആഭിമുഖ്യത്തിൽ, ഐ എം എ, ഐ എ പി, റോട്ടറി എന്നിവയുടെ സഹകരണത്തോടെ പള്ളിക്കര കുടുംബാരോഗ്യ കേന്ദ്രത്തിലാണ് പരിപാടി സംഘടിപ്പിച്ചത്.
പ്രധാനമായും കുഞ്ഞുങ്ങളെ ബാധിക്കുന്ന, സ്ഥിരമായ അംഗവൈകല്യത്തിലേക്കോ മരണത്തിലേക്ക് നയിക്കുന്ന പോളിയോ മൈലീറ്റസ്സ് അഥവാ പിള്ളവാതത്തെ പ്രതിരോധിക്കുവാനാണ് പോളിയോ തുള്ളി മരുന്ന് നൽകുന്നത്. പരിസര ശുചിത്വം ഇല്ലായ്മയാണ് പോളിയോ ബാധയുടെ പ്രധാന കാരണം.
ജില്ലയിലെ അംഗണവാടികൾ, സ്കൂളുകൾ ആരോഗ്യ കേന്ദ്രങ്ങൾ ബസ്റ്റാൻഡുകൾ റെയിൽവേ സ്റ്റേഷനുകൾ തുടങ്ങിയ ജില്ലയിലെ എല്ലാ സ്ഥലത്തും ബൂത്തുകൾ സജ്ജീകരിച്ചിരുന്നു. കൂടാതെ അതിഥി സംസ്ഥാന തൊഴിലാളികളുടെ അഞ്ചുവയസ്സിനു താഴെ പ്രായമുള്ള കുട്ടികൾക്ക് വാക്സിന് നൽകുന്നതിനായി മൊബൈൽ ബൂത്തുകൾ ഉൾപ്പെടെ സജ്ജീകരിച്ചു.
ചടങ്ങിൽ പള്ളിക്കര ഗ്രാമപഞ്ചായത്ത് ആരോഗ്യകാര്യ സ്ഥിരം സമിതി അധ്യക്ഷൻ മണികണ്ഠൻ , വാർഡ് മെമ്പർ അനിത , സംസ്ഥാന നിരീക്ഷകരായ എ ഡി എച്ച് എസ് ഡോ. വിവേക് കുമാർ, യൂനിസെഫ് കൺസൾട്ടന്റ് ഡോ. സൗമ്യ, റോട്ടറി ക്ലബ് സോണൽ കോർഡിനേറ്റർ എം. ഡി. രാജേഷ് കാമത്, ഐ എ പി സെക്രട്ടറി ഡോ. മാഹിൻ പി അബ്ദുല്ല, ഐഎംഎ പ്രസിഡൻറ് ഡോ. ഹരി കിരൺ ബംഗെര, ഫിസിഷൻ അസോസിയേഷൻ പ്രസിഡൻറ് ഡോ. സുന്ദര അനിമജൽ, ബ്ലോക്ക് മെഡിക്കൽ ഓഫീസർ ഡോ. രമേശ് , ഡോ. ബേസിൽ വർഗീസ്, മെഡിക്കൽ ഓഫീസർ ഡോ. വേണു സി, ഡെപ്യൂട്ടി ഡിസ്ട്രിക്ട് എജുക്കേഷൻ ആൻഡ് മീഡിയ ഓഫീസർ ഹസീബ് , ഐ സി ഡി എസ് സൂപ്പർവൈസർ രമ എന്നിവർ സംസാരിച്ചു. ജില്ലാ ആർ സി എച്ച് ഓഫീസർ ഡോ. ഷാൻ്റി സ്വാഗതവും ഹെൽത്ത് ഇൻസ്പെക്ടർ സജീവൻ നന്ദിപറഞ്ഞു.
0 Comments