കാറിൽ കടത്തിയ മയക്കു മരുന്നു മായി പിടിയിലായ കാഞ്ഞങ്ങാട്ടെ യുവാവിന് ഏഴ് വർഷം കഠിന തടവും ഒരു ലക്ഷം രൂപ പിഴയും ശിക്ഷ

കാഞ്ഞങ്ങാട് :കാറിൽ കടത്തിയ മയക്കു മരുന്നു മായി പിടിയിലായ കാഞ്ഞങ്ങാട്ടെ യുവാവിന് ഏഴ് വർഷം കഠിന തടവും ഒരു ലക്ഷം രൂപ പിഴയും ശിക്ഷ വിധിച്ച് കോടതി. 2019 ഫെബ്രുവരി

13 ന് ഉച്ചക്ക് 12.50 മണിക്ക് ആദൂർ  കുണ്ടാറിൽ വെച്ച്  കാറിൽ സുള്ള്യ ഭാഗത്തു നിന്നും കാസർകോട്  ഭാഗത്തേക്ക്‌ മയക്ക് മരുന്ന് കടത്തിയ കേസിലാണ് കോടതി വിധി. ആറങ്ങാടി

അരയിക്കടവിലെ

 അബ്ദുൽ ഷെഫീകിനെയാണ് ശിക്ഷിച്ചത്.  12.220.ഗ്രാം മെത്ത ഫറ്റാമിൻ എന്ന  മയക്കുമരുന്നും, 2 കുപ്പി, കർണാടക നിർമിത വിദേശ മദ്യവും കടത്തി കൊണ്ട് വന്ന കേസാണ്. ആദൂർ പൊലീസ്  സബ് ഇൻസ്‌പെക്ടർ ആയിരുന്ന നിബിൻ ജോയ്  രജിസ്റ്റർ ചെയ്ത കേസിൽ (SC 68/20) 7 വർഷം കഠിന തടവിനും 1,00,000 രൂപ പിഴയും, പിഴ അടച്ചില്ലെങ്കിൽ ഒരു വർഷം കഠിന തടവിനും ആണ് ശിക്ഷ. കാസർകോട് ജില്ലാ സെഷൻസ് കോടതി ജഡ്ജ്  സാനു എസ് പണിക്കർ ആണ് ശിക്ഷ വിധിച്ചത്. ഇൻസ്‌പെക്ടർ മാരായ മാത്യു , എ . വി . ജോൺ എന്നിവർ ആദ്യനേഷണം നടത്തിയ കേസിൽ അന്വേഷണം നടത്തി കുറ്റപത്രം സമർപ്പിച്ചത് പ്രേം സദൻ ഇൻസ്‌പെക്ടർ ആണ്. പ്രോസീക്യൂഷന് വേണ്ടി അഡ്വ. പി. വേണുഗോപാലൻ ഹാജരായി.