ഒരു കോടി രൂപ ചിലവിട്ട് രാവണീശ്വരത്ത് നിർമ്മിച്ച കബഡി കോർട്ട് മന്ത്രി ഉദ്ഘാടനം ചെയ്തു

കാഞ്ഞങ്ങാട് :  ഒരു കോടി രൂപ ചിലവിട്ട് രാവണീശ്വരത്ത് നിർമ്മിച്ച കബഡി കോർട്ട് മന്ത്രി ഉദ്ഘാടനം ചെയ്തു.

കബഡി സംസ്ഥാന താരങ്ങളെ സംഭാവന ചെയ്ത നാടാണ് രാവണീശ്വരം. കായിക മേഖലയിൽ പുതിയ തലമുറ താരങ്ങളെ വളർത്തിയെടുക്കാൻ വലിയ ഇടപ്പെടലാണ് രാവണീശ്വരത്ത് നടന്നു വരുന്നത്. കബഡിക്ക് പുറമെ ഫുട്ബോളിലും , വോളിബോളിലും പുതിയ താരങ്ങൾ  ഉയർന്ന് വരികയാണ്. നിരവധി കലാ കായിക പ്രസ്ഥാനങ്ങൾ ഉള്ള രാവണീശ്വരത്ത് പുതിയ കായിക താരങ്ങളെ  വാർത്തെടുക്കാൻ ഉതകുന്ന ആധുനിക സൗകര്യങ്ങളോടു കൂടിയ കബഡി കോർട്ടാണ് നിർമ്മിച്ചത്. ജില്ലയിലെ കബഡി താരങ്ങൾക്ക് പ്രയോജനകരമാവുന്ന വിധത്തിലാണ് പദ്ധതി തയ്യാറാക്കിയിട്ടുള്ളത്.       ജില്ലാ പഞ്ചായത്ത് വാർഷിക പദ്ധതിയിൽ ഉൾപ്പെടുത്തി 1.05 കോടി രൂപ ചെലവിലാണ് കബഡി കോർട്ട് നിർമ്മാണം പൂർത്തിയാക്കിയത്. കബഡി കോർട്ട്, മാറ്റ്,  ഡ്രസ്സിംഗ്  റെസ്റ്റിംഗ് റൂം, സ്റ്റേജ്, ഗ്യാലറി,  മേൽക്കൂര, ലൈറ്റ് സംവിധാനങ്ങളോടുകൂടിയാണ് നിർമ്മാണം പൂർത്തിയാക്കിയത്.   കബഡി കേർട്ട് വനം വന്യജീവി വകുപ്പ് മന്ത്രി എ. കെ. ശശീന്ദ്രൻ ഇന്ന്  ഉദ്ഘാടനം ചെയ്തു.  

ജില്ലാ പഞ്ചായത്ത് പ്രസിഡൻ്റ് ബേബി ബാലകൃഷ്ണൻ അധ്യക്ഷത വഹിച്ചു.  

ജില്ലാ പഞ്ചായത്ത് വൈസ് പ്രസിഡൻ്റ് ഷാനവാസ് പാദൂർ , അജാനൂർ ഗ്രാമപഞ്ചായത്ത് വൈസ് പ്രസിഡന്റ് കെ.സബീഷ്, ജില്ലാ പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ എസ്. എൻ. സരിത, അജാനൂർ ഗ്രാമപഞ്ചായത്ത്  വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ  കെ. മീന, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ. കൃഷ്ണൻ  ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ഷീബ ഉമ്മർ, ബ്ലോക്ക് പഞ്ചായത്ത് മെമ്പർ എം. ജി. പുഷ്പ വാർഡ് മെമ്പർ എം. ബാലകൃഷ്ണൻ,, അജാനൂർ ഗ്രാമപഞ്ചായത്ത് ഒന്നാം വാർഡ് മെമ്പർ പി. മിനി, മുൻ ബ്ലോക്ക് പഞ്ചായത്ത് പ്രസിഡന്റ് എ. കൃഷ്ണൻ,  പി. ദാമോദരൻ, മൂലക്കണ്ടം പ്രഭാകരൻ,

എ.തമ്പാൻ, കെ. ബാലകൃഷ്ണൻ, കെ. സി. മുഹമ്മദ് കുഞ്ഞി, പി. എ. ശകുന്തള, ഒ. മോഹനൻ,കെ. ദീപുരാജ് സംസാരിച്ചു. അജാനൂർ പഞ്ചായത്ത് പ്രസിഡൻ്റ് ടി.ശോഭ സ്വാഗതവും സംഘാടകസമിതി ചെയർമാൻ സി.രവി നന്ദി പറഞ്ഞു. ചടങ്ങിൽ കബഡി കോർട്ടിന്റെ നിർമ്മാണം ഏറ്റെടുത്ത് പൂർത്തിയാക്കിയ നിർമ്മിതി കേന്ദ്രം പ്രോജക്ട് എൻജിനീയർ ബിന്ദു, അസിസ്റ്റന്റ് എൻജിനീയർ ഫമീസ് എന്നിവരെ മന്ത്രി എ. കെ. ശശീന്ദ്രൻ പൊന്നാടയണിയിച്ച് ആദരിച്ചു. റെഡ് സ്റ്റാർ മുക്കൂട് വടംവലി ടീമിന്റെ ജേഴ്‌സി പ്രകാശനം ചടങ്ങിൽ ജില്ലാ പഞ്ചായത്ത്‌ പ്രസിഡന്റ്‌  നിർവ്വഹിച്ചു.