ഭീമനടി യുവതിയെ ചെർക്കളയിൽ നിന്നും തട്ടിക്കൊണ്ട് പോയി കഴുത്തിലും വയറ്റത്തും കത്തി വച്ചു

കാഞ്ഞങ്ങാട് : കാഞ്ഞങ്ങാട് ഭാഗത്തേക്ക് ബസിൽ വരികയായിരുന്ന

ഭീമനടി യുവതിയെ ചെർക്കളയിൽ നിന്നും സ്കൂട്ടറിൽ തട്ടിക്കൊണ്ട് പോയി കഴുത്തിലും വയറ്റത്തും കത്തി വച്ചു. യുവതിയുടെ പരാതിയിൽ പൊലീസ് കേസെടുത്തു. മൗക്കോട് സ്വദേശിനിയായ 29 കാരിയുടെ പരാതിയിൽ കൊടക്കാട് സ്വദേശി അനീഷ് കുമാറിനെതിരെയാണ് മേൽപ്പറമ്പ പൊലീസ് കേസെടുത്തത്. ഇന്നലെ വൈകീട്ടാണ് സംഭവം. ചെർക്കളയിൽ നിന്നും വീട്ടിലേക്ക് വരികയായിരുന്ന യുവതിയെ കാഞ്ഞങ്ങാട് ഭാഗത്തേക്ക് ഉള്ള ബസിൽ സ്കൂട്ടറിൽ പിന്തുടർന്ന് ഭീഷണിപ്പെടുത്തി ബസിൽ നിന്നും ഇറക്കി നിർബന്ധിപ്പിച്ച് സ്കൂട്ടറിൽ കയറ്റി തട്ടിക്കൊണ്ട് പോയെന്നാണ് യുവതിയുടെ പരാതി. പൊയിനാച്ചിയിലെ ക്വാറിക്കടുത്ത് ആ കളൊഴിഞ്ഞ സ്ഥലത്ത് കൊണ്ട് പോയി കഴുത്തിലും വയറ്റത്തും കത്തി വച്ച് കൊല്ലുമെന്ന് ഭീഷണിപ്പെടുത്തിയെന്നാണ് പരാതി. യുവതിയെ പ്രതി നിരന്തരം ഇൻസ്റ്റാഗ്രാമിൽ പിന്തുടർന്നതായും പറയുന്നു.