ഹോസ്ദുർഗിൽ പട്ടാപകൽ വീട് കുത്തി തുറന്ന് സ്വർണാഭരണങ്ങൾ കവർച്ച ചെയ്തു

കാഞ്ഞങ്ങാട് : പട്ടാപകൽ വീട് കുത്തി തുറന്ന് സ്വർണാഭരണങ്ങൾ കവർച്ച ചെയ്തു. കിടപ്പ് മുറിയിൽ കയറിയ കവർച്ചാ സംഘം മൂന്ന് പവൻെറ സ്വർണാഭരണങ്ങൾ കവർന്ന് രക്ഷപെട്ടു.ഹോസ്ദുർഗ് അളറായിലെ കെ.ശിവരാമൻ്റെ വീട്ടിലാണ് കവർച്ച. വീടിൻ്റെ മുൻ വശം വാതിൽ പൂട്ട് തകർത്ത നിലയിലാണ്. അലമാര കുത്തി തുറന്ന് ആണ് ആഭരണങ്ങൾ കവർന്നത്. ഇന്ന് രാവിലെ 9.20 ഉച്ചക്ക് 1.30 ന് ഇടയിലുമാണ് കവർച്ച. 2,76,000 രൂപയുടെ നഷ്ടമുണ്ട്. ഹോസ്ദുർഗ് പൊലീസ് കേസെടുത്തു.