സീറ്റ് വിഭജനത്തെ ചൊല്ലി തർക്കം: ഡി.സി.സി ഓഫീസിൽ നേതാക്കൾ തമ്മിൽ തല്ലി

കാസർകോട്:സീറ്റ് വിഭജനത്തെ ചൊല്ലിയുള്ള തർക്കത്തിനിടെ

ഡി.സി.സി ഓഫീസിൽ നേതാക്കൾ തമ്മിൽ തല്ലി. ഇന്ന് ഉച്ചയോടെയാണ് സംഭവം.

കാസർകോട് ഡി സി സി വൈസ് പ്രസിഡന്റും ഡികെഡിഎഫ് ജില്ലാ പ്രസിഡന്റും ആണ് ഡി സി സി ഓഫിസിൽ തമ്മിൽ തല്ലിയത്.

 പരസ്പരം മർദ്ദിക്കുന്നതിന്റെ ദൃശ്യങ്ങൾ പുറത്ത് വന്നു.

ഡി സി സി വൈസ് പ്രസിഡന്റ് ജെയിംസ് പന്തമാക്കനും ഡികെ ടിഎഫ് ജില്ലാ പ്രസിഡന്റ് വാസുദേവനുമാണ് ഏറ്റുമുട്ടിയത്. ഈസ്ററ് എളേരി പഞ്ചായത്തിലെ സീറ്റ് വിഭജനവുമായി ബന്ധപെട്ടായിരുന്നു തർക്കം. വിഷയം ചർച്ച ചെയ്യാൻ എത്തിയതായിരുന്നു നേതാക്കൾ.

കയ്യാങ്കളി നടന്നത് പരിശോധിക്കുമെന്ന് കെ.പി.സി.സി

വൈസ് പ്രസിഡൻ്റ് എം. ലിജു പറഞ്ഞു.

സംഘടന വിരുദ്ധ പ്രവർത്തനം നടത്തിയവർക്കെതിരെ ഉറപ്പായും നടപടി ഉണ്ടാകും.

ജില്ലയിൽ കോൺഗ്രസ് സീറ്റ് വിഭജനം  പൂർത്തിയായതായി ലിജു പറഞ്ഞു.