സി.പി.എം പ്രവർത്തകനെ ആക്രമിച്ചു, 13 മുസ്ലീം ലീഗ് പ്രവർത്തകർക്കെതിരെ വധശ്രമത്തിന് കേസ്

കാഞ്ഞങ്ങാട് :.സ്കൂട്ടറിൽ സഞ്ചരിക്കുകയായിരുന്ന

സി.പി.എം പ്രവർത്തകനെയും സുഹൃത്തിനെയും ആക്രമിച്ചു. സംഭവവുമായി ബന്ധപെട്ട്

13 മുസ്ലീം ലീഗ് പ്രവർത്തകർക്കെതിരെ വധശ്രമത്തിന് പൊലീസ് കേസെടുത്തു. ഇന്നലെ രാത്രി 10.30 ന് പെരിയാട്ടടുക്കത്താണ് അക്രമം.സി.പി.എം പ്രവർത്തകൻ പനയാൽ തോക്കാനം മൊട്ടയിലെ എൻ.കെ. ദിലീഷിനെ 24 കാഞ്ഞങ്ങാട് ഐഷാൽ ആശുപത്രിയിൽ പ്രവേശിപ്പിച്ചു. അഷറഫ്, നിസാർ, സാദിഖ് മറ്റ് കണ്ടാലറിയാവുന്ന 10 മുസ്ലിം ലീഗ് പ്രവർത്തകർക്കെതിരെയാണ് ബേക്കൽ പൊലീസ് നരഹത്യ ശ്രമത്തിന് കേസെടുത്തത്. വടി, പഞ്ച് കൊണ്ട് ആക്രമിച്ചതായാണ് പരാതി. വടി കൊണ്ട് തലക്കടിക്കുന്ന സമയം ഒഴിഞ്ഞു മാറിയില്ലായിരുന്നുവെങ്കിൽ മരണം വരെ സംഭവിക്കുമായിരുന്നുവെന്നാണ് കേസ്. സംഭവം അറിഞ്ഞ് പുലർച്ചെ തന്നെ പൊലീസ് ആശുപത്രിയിലെത്തി മൊഴിയെടുത്ത് കേസെടുക്കുകയായിരുന്നു.