മൂന്ന് എക്സൈസ് ഉദ്യോഗസ്ഥരെ കയ്യേറ്റം ചെയ്തു, 20 കാരനെതിരെ കേസ്

കാഞ്ഞങ്ങാട് :മൂന്ന് എക്സൈസ് ഉദ്യോഗസ്ഥരെ കയ്യേറ്റം ചെയ്തെന്ന എക്സൈസ് ഉദ്യോഗസ്ഥരുടെ പരാതിയിൽ

20 കാരനെതിരെ കേസെടുത്ത് പൊലീസ്. ഹോസ്ദുർഗ് എക്സൈസ് ഇൻസ്പെക്ടർ ഇ.വി.ജിഷ്ണു കുമാർ, കെ.വി. അനീഷ് , ടി. രാഹുൽ എന്നീ ഉദ്യോഗസ്ഥരെ കയ്യേറ്റം ചെയ്തും ഔദ്യോഗിക കൃത്യനിർവഹണം തടഞ്ഞെന്ന പരാതിയിൽ പനയാൽ സ്വദേശി ദിൽഷാദിനെതിരെയാണ് ബേക്കൽ പൊലീസ് കേസെടുത്തത്. മൂവർക്കും പരിക്കേറ്റതായും പരാതിയുണ്ട്. പരാതി അന്വേഷിക്കാനെത്തിയ എക്സൈസ് സംഘത്തെ കരുവാക്കോട് വച്ച് യുവാവ് കയ്യേറ്റം ചെയ്തെന്നാണ് എക്സൈസ് സംഘത്തിൻ്റെ പരാതി.