ഉഷ എൻ നായരോ സി.കെ. സബിതയോ, പുല്ലൂർ പെരിയ പഞ്ചായത്ത് പ്രസിഡൻ്റ് ആരെന്ന് ഇന്നറിയാം

കാഞ്ഞങ്ങാട് : കോൺഗ്രസ്, മുസ്ലിം ലീഗ്, ബി.ജെ.പി അംഗങ്ങൾ പങ്കെടുക്കാത്തതിനെ തുടർന്ന് നടക്കാതെ പോയ പുല്ലൂർ - പെരിയ പഞ്ചായത്ത് പ്രസിഡൻ്റ്, വൈസ് പ്രസിഡൻ്റ് തിരഞ്ഞെടുപ്പ് ഇന്ന്. കോൺഗ്രസിലെ

ഉഷ എൻ നായരോ സി.പി എമ്മിലെ

സി.കെ. സബിതയോ പുല്ലൂർ പെരിയ പഞ്ചായത്ത് പ്രസിഡൻ്റ് എന്നത് ഇന്നറിയാം. കോൺഗ്രസിലുണ്ടായ പ്രസിഡൻ്റ് സ്ഥാനാർത്ഥിയെ ചൊല്ലിയുള്ളതർക്കത്തെ തുടർന്ന് യു.ഡി എഫ് അംഗങ്ങൾ 26 ന് നടന്ന പ്രസിഡൻ്റ് തിരഞ്ഞെടുപ്പിൽ നിന്നും വിട്ട് നിൽക്കുകയായിരുന്നു. ബി.ജെ.പിയുടെ ഒരംഗവും പങ്കെടുക്കാത്തതോടെ ക്വാറം തികഞ്ഞില്ല. തുടർന്ന് ഇന്ന് വീണ്ടും തിരഞ്ഞെടുപ്പ് നടത്താൻ തീരുമാനിക്കുകയായിരുന്നു. എൽ.ഡി.എഫ്, യു.ഡി.എഫ് ഒമ്പത് വീതവും ബി.ജെ പിക്ക് ഒരംഗവുമാണുള്ളത്. ബി.ജെ.പി വിട്ടു നിന്നാൽ നറുക്കെടുപ്പിലൂടെയാവും പ്രസിഡൻ്റിനെ കണ്ടെത്തുക .