കാഞ്ഞങ്ങാട്: മതസൗഹാർദ്ദത്തിൻ്റെ മാതൃകയായി ക്ഷേത്രത്തിലെ ഘോഷയാത്രക്ക് കൂളിയങ്കാൽ മുസ്ലിം ജമാഅത്ത് കമ്മിറ്റി സ്വീകരണം നൽകി.
പരസ്പര സ്നേഹവും ബഹുമാനവും ഊട്ടിയുറപ്പിക്കുന്ന സംഗമം പ്രദേശവാസികൾക്ക് ഹൃദ്യമായ അനുഭവമായി.
അരയി ഏരത്ത് മുണ്ട്യാ ദേവാലയത്തിൽ നീണ്ട 16 വർഷങ്ങൾക്ക് ശേഷം നടക്കുന്ന പുനപ്രതിഷ്ഠാ ബ്രഹ്മ കലശ മഹോത്സവത്തോടനുബന്ധിച്ചുള്ള ഘോഷയാത്രയാണ് നടന്നത്. ഘോഷയാത്രയെ മസ്ജിദിന് മുന്നിൽ
മഹല്ല് കമ്മിറ്റിയുടെ നേതൃത്വത്തിൽ സ്വീകരിച്ചു.
മഹല്ല് ഭാരവാഹികളും ക്ഷേത്രം കമ്മിറ്റി അംഗങ്ങളും തമ്മിൽ ഹസ്തദാനം ചെയ്ത് മധുരം കൈമാറി.
ഇരു മത വിഭാഗങ്ങളിലേയും മുതിർന്നവരും യുവാക്കളും പ്രായ വ്യത്യാസമില്ലാതെ സൗഹൃദം പങ്കിട്ടു.
ജാതി മത ചിന്തകൾക്കപ്പുറം സ്നേഹവും ഐക്യവും നിലനിർത്താനും
നാടിൻ്റെ സമാധാനത്തിനും ഐക്യത്തിനും ഇത്തരം കൂട്ടായ്മകൾ അനിവാര്യമാണെന്ന് ചടങ്ങിൽ പങ്കെടുത്ത മുതിർന്നവർ പറഞ്ഞു.
0 Comments