കാസർകോട് വിജിലൻസ് ഡി.വൈ.എസ്.പി വി. ഉണ്ണികൃഷ്ണനും ബേക്കലിലെ വി. വി.മനോജിനും രാഷ്ട്രപതിയുടെ പൊലീസ് മെഡലുകൾ

കാഞ്ഞങ്ങാട് : രാഷ്ട്രപതിയുടെ പൊലീസ് പുരസ്കാരങ്ങൾ പ്രഖ്യാപിച്ചു.കാസർകോട് വിജിലൻസ് ഡി.വൈ.എസ്.പി വി. ഉണ്ണികൃഷ്ണനും ബേക്കൽ ഡി.വൈ. എസ്. പി വി. വി.മനോജിനും രാഷ്ട്രപതിയുടെ പൊലീസ് മെഡലുകൾ ലഭിച്ചു.സ്തുത്യര്‍ഹ സേവനത്തിനുള്ള മെഡലാണ് ലഭിച്ചത്.

 ജില്ലയിൽ നിന്നും രണ്ട് ഉദ്യോഗസ്ഥർക്കാണ് മെഡലുകൾ.

കേരളത്തില്‍ നിന്നും 12 പേര്‍ക്കാണ് പുരസ്കാരം. എസ് പി ഷാനവാസ് അബ്ദുൾ സാഹിബിന് വിശിഷ്ട സേവനത്തിനുള്ള മെഡല്‍ ലഭിക്കും. കേരള ഫയർ സർവീസിൽ നിന്ന് എൻ രാജേന്ദ്രനാഥിന് വിശിഷ്ട സേവനത്തിനുള്ള മെഡൽ ലഭിക്കും. 10 പേര്‍ക്ക് സ്തുത്യര്‍ഹ സേവനത്തിനുള്ള മെഡലാണ്.

അസിസ്റ്റന്റ് പൊലീസ് സൂപ്രണ്ട് എ.പി. ചന്ദ്രൻ, എസ് പി സന്തോഷ് കുമാർ ടി, ഡി എസ് പി പ്രേമചന്ദ്രൻ, അസിസ്റ്റന്റ് പോലീസ് കമ്മീഷണർ അഷ്റഫ്, ഡി എസ് പി അനിൽകുമാർ ടി, ഡെപ്യൂട്ടി പൊലീസ് സൂപ്രണ്ട് ജോസ് മത്തായി മുകളുവിളയിൽ,  അസിസ്റ്റൻ്റ് പൊലീസ് കമ്മീഷണർ പ്രേമാനന്ദ കൃഷ്ണൻ, സബ് ഇൻസ്പെക്ടർ പ്രമോദ് ദാസ് പരവണ വയലിൽ എന്നിവരാണ് സ്തുത്യര്‍ഹ സേവനത്തിനുള്ള മെഡലിന് അര്‍ഹത നേടിയ മറ്റ് ഉദ്യോഗസ്ഥർ.