ഹൈറിച്ച് തട്ടിപ്പ്, 10 ലക്ഷം നഷ്ടപ്പെട്ട രണ്ട് സ്ത്രീകളുടെ പരാതിയിൽ പ്രതാപനും ഭാര്യ ശ്രീനയുമടക്കം മൂന്ന് പേർക്കെതിരെ കേസ്

കാഞ്ഞങ്ങാട് :ഹൈറിച്ച് തട്ടിപ്പിൽ10 ലക്ഷം രൂപ നഷ്ടപ്പെട്ട രണ്ട് സ്ത്രീകളുടെ പരാതിയിൽ പ്രതാപനും ഭാര്യ ശ്രീന പ്രതാപനുമടക്കം മൂന്ന് 

പേർക്കെതിരെ പൊലീസ് രണ്ട് കേസുകൾ റജിസ്ട്രർ ചെയ്തു. ചെറുവത്തൂർ കണ്ണംകൈ സ്വദേശി ശ്രീജിത്താണ് ഒരു പ്രതി. കണ്ണംകൈയിലെ എം.പി. റീന 44 യുടെ പരാതിയിലാണ് ചന്തേര പൊലീസ് ഒരു കേസെടുത്തത്. ഉയർന്ന ലാഭം പ്രതീക്ഷിച്ച് 2022 മുതലായിരുന്നു പണം നിക്ഷേപിച്ചത്. കണ്ണംകൈയിലെ എം.രഞ്ജിനി 43യുടെ പരാതിയിലാണ് ചന്തേര പൊലീസ് രണ്ടാമത്തെ കേസ് റജിസ്ട്രർ ചെയ്തത്. രണ്ടും സമാന കേസുകളാണ്. രണ്ട് കേസുകളിലും മൂന്ന് പേരും പ്രതികളാണ്.