രണ്ടാഴ്ച മുൻപ് മകൻ തൂങ്ങി മരിച്ചതിന് പിന്നാലെ പിതാവ് പൊട്ട കിണറ്റിൽ ചാടി ജീവനൊടുക്കി

കാഞ്ഞങ്ങാട് :20 ദിവസം മുൻപ് മകൻ തൂങ്ങി മരിച്ചതിന് പിന്നാലെ പിതാവ് ഇന്ന് രാവിലെ പൊട്ട കിണറ്റിൽ ചാടി ജീവനൊടുക്കി. നാട്ടുകാരും ഫയർ ഫോഴ്സും ചേർന്ന് ഉടൻ തന്നെ പുറത്തെടുത്ത് ആശുപത്രിയിലെത്തിച്ചെങ്കിലും മരിച്ചു. കരിവേടകം ശങ്കരൻ പാടി കൊറോമ്പരയിലെ

 എ. ബാലകൃഷ്ണൻ നായർ 77 ആണ് ജീവനൊടുക്കിയത്. ഇന്ന് രാവിലെ 7.30 മണിയോടെയാണ് സംഭവം. വീടിന് കുറച്ച് മാറി പീറ്ററിൻ്റെ റബർ തോട്ടത്തിലെ ഉപയോഗശൂന്യമായ കിണറിൽ ചാടുകയായിരുന്നു. കുറ്റിക്കോലിൽ നിന്നുമുള്ള ഫയർ ഫോഴ്സും നാട്ടുകാരും ചേർന്ന് പുറത്തെടുത്ത് ബേഡകം താലൂക്ക് ആശുപത്രിയിലെത്തിച്ചെങ്കിലും മരിച്ചു. ബേഡകം പൊലീസ് ഇൻക്വസ്ററ് നടപടികൾ ആരംഭിച്ചു.

ഇദ്ദേഹത്തിൻ്റെ മകൻ മണികണ്ഠൻ  രണ്ടാഴ്ച മുൻപ് ജീവനൊടുക്കുകയായിരുന്നു.