പൂച്ചക്കാട് യുവാവിന് തലക്ക് കുത്തേറ്റ സംഭവത്തിൽ അഞ്ച് പ്രതികൾ അറസ്റ്റിൽ

കാഞ്ഞങ്ങാട് : പള്ളിക്കരപൂച്ചക്കാട് യുവാവിന് തലക്ക് കുത്തേറ്റ സംഭവത്തിൽ

 അഞ്ച് പ്രതികളെ പൊലീസ് അറസ്റ്റ് ചെയ്തു. പ്രതികളെ ഹോസ്ദുർഗ് ജുഡീഷ്യൽ ഒന്നാം ക്ലാസ് മജിസ്ട്രേറ്റ് രണ്ട് കോടതി റിമാൻഡ് ചെയ്തു.

വാഹനം നേരെ ഓടിച്ചു വന്നതിനെ ചൊല്ലിയുള്ള തർക്കത്തിൽ വീട്ടുവളപ്പിൽ അതിക്രമിച്ചു കയറി യുവാവിനെ കൂർത്ത മുനയുള്ള ആയുധം ഉപയോഗിച്ച് തലക്ക് കുത്തുകയായിരുന്നു. സംഭവത്തിൽ

8 പേർക്കെതിരെ വധശ്രമത്തിന് കേസെടുത്തിരുന്നു. 

പള്ളിക്കര പൂച്ചക്കാട് സ്വദേശി പി.കെ. സാജിറിനാണ് 42 കുത്തേറ്റത്. സാജിർ വാഹനം ഓടിക്കുമ്പോൾ പ്രതികൾ ഓടിച്ച വാഹനം നേരെ വന്നത് ചോദ്യം ചെയ്തതിനായിരുന്നു അക്രമം. കണ്ടാലറിയാവുന്ന പ്രതികൾക്കെതിരെ ബേക്കൽ പൊലീസ് നരഹത്യ ശ്രമത്തിന് കേസെടുത്ത് പ്രതികളെ അറസ്റ്റ് ചെയ്യുകയായിരുന്നു. മൂന്ന് പ്രതികൾ ഒളിവിലാണ്.