കാഞ്ഞങ്ങാട് സ്വദേശിനിയായ കോളേജ് വിദ്യാർത്ഥിനി കോട്ടയത്ത് ഹോസ്റ്റൽ മുറിയിൽ തൂങ്ങി മരിച്ച നിലയിൽ

കാഞ്ഞങ്ങാട്:കാഞ്ഞങ്ങാട് ചിത്താരി മുക്കൂട് സ്വദേശിനിയായ കോളേജ് വിദ്യാർത്ഥിനിയെ കോട്ടയത്ത് ഹോസ്റ്റൽ മുറിയിൽ തൂങ്ങി മരിച്ച നിലയിൽ കണ്ടെത്തി. മുക്കൂട് കാദംബരി വീട്ടിൽ മഹേഷ് കുമാറിൻ്റെ മകൾ ഐജ ആർ മഹേഷ് 18 ആണ് മരിച്ചത്. പാലബ്രില്യൻസ് കോളേജിൽ പഠിക്കുന്ന വിദ്യാർത്ഥിനിയെ ഹോസ്റ്റൽ മുറിയിൽ ഫാനിൽ കെട്ടി തൂങ്ങിയ നിലയിൽ കാണുകയായിരുന്നു.

പാല ചേർപ്പുങ്കൽ കുറുമുണ്ടയിലെ ഹോസ്റ്റൽ മുറിയിൽ 2 ന് ഉച്ചക്ക് 12 .45 മണിക്ക് തൂങ്ങിയ നിലയിൽ കാണുകയായിരുന്നു. കെട്ടറുത്ത് ചേർപ്പുങ്കൽ മാർ സ്ലീവ ആശുപത്രിയിൽ എത്തിച്ച് ചികിൽസയിൽ കഴിയവെ 3 ന് ഉച്ചയോടെ മരിച്ചു. വിവരമറിഞ്ഞ് നാട്ടിൽ നിന്നും ബന്ധുക്കൾ പാലായിലെത്തി. പൊലീസ് കേസെടുത്ത് അന്വേഷണം ആരംഭിച്ചു. മൃതദേഹം ഇന്ന് രാവിലെ മുക്കൂടിലെ വീട്ടിൽ എത്തിച്ചു. മാതാവ്: രാധിക.