കുറ്റിപ്പുറത്ത് സ്വകാര്യ ബസ് തലകീഴായി മറിഞ്ഞു, ഒരാൾ മരിച്ചു 26 പേർക്ക് പരിക്ക് മൂന്ന് പേരുടെ നില ഗുരുതരം, മറിഞ്ഞത് കാറിന് മുകളിലേക്ക്

മലപ്പുറം: കുറ്റിപ്പുറത്ത് ബസ് തലകീഴായി മറിഞ്ഞു. കാറിന് മുകളിലേക്ക് മറിയുകയായിരുന്നു.

 ഒരാൾ മരിച്ചു . 26 പേർക്ക് പരിക്കേറ്റു. നിയന്ത്രണം വിട്ട ബസ് ഡിവൈഡറിൽ ഇടിച്ച് തല കീഴായി മറിയുകയായിരുന്നു. ബസ് നെടുകെ പിളർന്ന നിലയിലാണ്.

മൂന്നുപേരുടെ നില അതീവ ഗുരുതര‌മാണ്. പരിക്കേറ്റവരെ ആശുപത്രിയിൽ പ്രവേശിച്ചു. നാട്ടുകാരും രക്ഷാപ്രവർത്തകരും യാത്രക്കാരെ ബസ് പൊളിച്ച് പുറത്തെത്തിച്ചു. തൃശൂർ-കോഴിക്കോട് റൂട്ടിലെ ഡിഫൻഡർ

ബസാണ് അപകടത്തിൽപ്പെട്ടത്. ദേശീയ പാതയിലാണ് അപകടം.

ബസിൽ 26 പേരാണുണ്ടായിരുന്നത്. എല്ലാവർക്കും പരിക്കേറ്റു. കോഴിക്കോട് പേരാവൂർ സ്വദേശി

വൈഷ്ണവാണ് മരിച്ചത്.