വിസ വാഗ്ദാനം: വീട്ടമ്മയിൽ നിന്നും എട്ട് ലക്ഷവും യുവാവിൽ നിന്നും 60000 രൂപയും തട്ടി

കാഞ്ഞങ്ങാട്:വിസ വാഗ്ദാനം ചെയ്ത് വീട്ടമ്മയിൽ നിന്നും എട്ട് ലക്ഷത്തിലേറെ രൂപയും യുവാവിൽ നിന്നും 60000 രൂപയും തട്ടിയെടുത്തെന്ന പരാതികളിൽ പൊലീസ് രണ്ട് കേസുകൾ റജിസ്ട്രർ ചെയ്ത് പ്രതികൾക്കായി അന്വേഷണം ആരംഭിച്ചു.

രാജപുരത്തെ എ വി മരിയ ജോബ് കൺസൾട്ടൻസി ഉടമ സാജൻ ഫിലിപ്പിനെതിരെയാണ് ഒരു കേസ്. കോഴിക്കോട് മാവൂർ കണ്ണി പറമ്പിലെ വി. പ്രിനീഷിൻ്റെ 42 പരാതിയിൽ രാജപുരം പൊലീസാണ് കേസെടുത്തത്. ജില്ലാ പൊലീസ് മേധാവിക്ക്  നൽകിയ പരാതിയിലാണ് കേസ്. പോളണ്ടിലേക്ക് വിസ വാഗ്ദാനം ചെയ്ത് 2024 ൽ 60000 രൂപ തട്ടിയെടുത്തെന്നാണ് പരാതി.

നീർച്ചാൽ ബഞ്ചത്തടുക്കയിലെ ട്രീസ ജോണിൻ്റെ പരാതിയിൽ കണ്ണൂർ ചെറുക്കുന്ന് പുഞ്ചേരി എ.കെ. ആഗർഷ് 32, ജഗദീഷ് എന്നിവർക്കെതിരെ ബദിയഡുക്ക പൊലീസ് കേസെടുത്തു.

പരാതിക്കാരിയുടെ മകൻ ജിതിൻ, യു.കെയിലേക്ക് വിസ വാഗ്ദാനം ചെയ്ത് 820767 രൂപ തട്ടിയെടുത്തെന്ന പരാതിയിലാണ് കേസ്. കഴിഞ്ഞ വർഷമായിരുന്നു പണം നൽകിയത്.