അമ്പലത്തിൽ നിന്നും അന്നദാന ഹുണ്ടി മോഷണം പോയി

കാസർകോട്:അമ്പലത്തിൽ നിന്നുംഅന്നദാന ഹുണ്ടി മോഷണം പോയി. സംഭവത്തിൽ ക്ഷേത്ര ഭാരവാഹികൾ നൽകിയ പരാതിയിൽ പൊലീസ് കേസെടുത്ത് അന്വേഷണം ആരംഭിച്ചു .

ആദൂർ പൊലീസ് സ്റ്റേഷൻ പരിധിയിലെ നെട്ടണിഗെ മഹാത്തോബാര ശ്രീ മഹാലിംഗേശ്വര അമ്പലത്തിൻ്റെ ഭക്തർക്ക് സൗജന്യമായി ഭക്ഷണം നൽകുന്ന അന്നദാനത്തിന് പണം നിക്ഷേപിക്കുന്ന കാണിക്ക വഞ്ചിയാണ് മോഷണം പോയത്.

പിന്നീട് ഇത് റോഡരികിൽ ഉപേക്ഷിച്ച നിലയിൽ കണ്ടെത്തി . ചെയർമാൻ എൻ. ശിവപ്രസാദിൻ്റെ പരാതിയിലാണ് കേസ്.