തൃശൂരിൽ നിർത്തിയിട്ട ലോറിക്ക് പിറകിൽ കാർ ഇടിച്ച് 8 പേർക്ക് ദാരുണാന്ത്യം, മരിച്ച എട്ട് പേരും വിദ്യാർത്ഥികൾ

തൃശൂർ : ദേശീയപാത 66ൽ കയ്പമംഗലം പനമ്പിക്കുന്നിൽ വാഹനാപകടത്തിൽ എട്ടുപേർ മരിച്ചു. വെള്ളിയാഴ്ച അർധരാത്രി 12 മണിയോടെയാണ്  വൻ അപകടത്തിൽ ദാരുണമായി എട്ട് പേരുടെ അന്ത്യമുണ്ടായത്.

 ദേശീയപാതയിൽ നിർമ്മാണപ്രവർത്തനങ്ങൾ നടക്കുന്ന സ്ഥലത്ത്  നിർത്തിയിട്ടിരുന്ന ചരക്ക് ലോറിക്ക് പിന്നിൽ കാർ ഇടിച്ചുകയറിയാണ് അപകടം. 

 കാറിലുണ്ടായിരുന്ന എട്ടുപേരും മരണപ്പെട്ടു. കാർ യാത്രക്കാർ തമിഴ്‌നാട് സ്വദേശികളായ വിദ്യാർത്ഥികളാണ്. ഇവർ സഞ്ചരിച്ചിരുന്ന മധുര രജിസ്‌ട്രേഷനിലുള്ള കാർ പൂർണമായും തകർന്നു. കാർ വെട്ടി പൊളിച്ചാണ് പുറത്തെടുത്തത്. ഒരാൾ ആശുപത്രിയിലും 7പേർ സംഭവ സ്ഥലത്തു വച്ച് തന്നെ മരിച്ചു.

ദിണ്ഡിഗൽ എൻജിനിയറിങ് കോളേജ് വിദ്യാർത്ഥികളാണ് മരിച്ചത്.