പുതിയ കോട്ടയിൽ ഇലക്ഷൻ കമ്മീഷണറുടെ കോലം കത്തിച്ചു 53 എസ്. എഫ്. ഐ പ്രവർത്തകർക്കെതിരെ കേസ്

കാഞ്ഞങ്ങാട്: ഇന്ന് വൈകീട്ട് 6 മണിയോടെപുതിയ കോട്ടയിൽ ഇലക്ഷൻ കമ്മീഷണർ ഗ്യാനേഷ്കുമാറിൻ്റെ

കോലം കത്തിച്ചു. ലഹളയുണ്ടാക്കണമെന്ന ഉദ്ദേശത്തോടെ പൊലീസിൻ്റെ ആജ്ഞ ലംഘിച്ച് ഇലക്ഷൻ കമ്മീഷൻ്റെ കോലം കത്തിച്ചു എന്നതിന്

 53 എസ്. എഫ്. ഐ പ്രവർത്തകർക്കെതിരെ ഹോസ്ദുർഗ് പൊലീസ് കേസെടുത്തു.

പുതിയ കോട്ട ടൗണിൽ മാർക്കറ്റിൻ്റെ പ്രവേശന കവാടത്തിന് സമീപത്തായിരുന്നു കോലം കത്തിച്ചത്.

എസ്.എഫ്. ഐ ജില്ലാ കമ്മിറ്റിയുടെ നേതൃത്വത്തിലായിരുന്നു പ്രതിഷേധ പരിപാടി. കോട്ടച്ചേരിയിൽ നിന്നും പുതിയ കോട്ടയിലേക്ക് പ്രകടനം ആരംഭിച്ചു. എസ്. എഫ്. ഐ ദേശീയ നേതാക്കളെ ഡൽഹിയിൽ അറസ്റ്റ് ചെയ്തതിൽ പ്രതിഷേധിച്ചായിരുന്നു കോലം കത്തിക്കൽ.

അനുമതിയില്ലാതെ പ്രകടനം നടത്തിയതിനും ഗതാഗതം തടസപെടുത്തി എന്നും കേസിൽ പറയുന്നു.

അനുരാജ്, അതിനാൻ , വിപിൻരാജ് പായം മറ്റ് കണ്ടാലറിയാവുന്ന 50 എസ്. എഫ്. ഐ പ്രവർത്തകർക്കെതിരെയാണ് കേസെടുത്തത്.