ബേക്കലിൽ ഇടിമിന്നലേറ്റ് വീടിൻ്റെ ഒരു ഭാഗം തകർന്നു വീണു, വ്യാപക നാശനഷ്ടം

കാഞ്ഞങ്ങാട്:ബേക്കലിൽ ഇടിമിന്നലേറ്റ് വീടിൻ്റെ ഒരു ഭാഗം തകർന്നു വീണു. വീടിന് വ്യാപക നാശനഷ്ടമുണ്ടായി. കുടുംബം പരിക്കേൽക്കാതെ രക്ഷപ്പെട്ടു. ഇടിമിന്നലിൽ ബേക്കൽ ഹദ്ദാദ് നഗർ ഭാഗത്ത് വ്യാപക നാശനഷ്ടമുണ്ട് . വൈദ്യുതി ഉപകരണങ്ങൾ കത്തിനശിച്ചു.

ബേക്കലിലെ പരേതനായ മുഹമ്മദിൻ്റെ ഭാര്യ റുഖിയയുടെ വീടിനാണ് ഇടിമിന്നലേറ്റത്.

വീടിൻ്റെ ചുമരുകളിൽ ആഴത്തിൽ കുഴി രൂപപെട്ടു. വിണ്ടുകീറി. വീടിൻ്റെ മുകൾ ഭാഗം പൊട്ടി വീണു.

വീടിൻ്റെ ഉൾഭാഗം സ്ലാബ് പൊട്ടി വൈദ്യുതി വയറുകൾ പുറത്തേക്ക് വന്നു. വൈദ്യുതി ഉപകരണങ്ങൾ കരിഞ്ഞു . ഇന്നലെ രാത്രി 10.30 മണിക്കുണ്ടായ ഇടിമിന്നലിലാണ് അപകടം.

പളളിക്കര വില്ലേജ് ഓഫീസറും രണ്ടാം വാർഡ് അംഗവുമുൾപ്പെടെ വീട്ടിലെത്തി.