രണ്ട് മയക്ക് മരുന്ന് കേസുകളിൽ പ്രതികൾക്ക് കഠിന തടവും പിഴയും ശിക്ഷ വിധിച്ച് കോടതി

കാഞ്ഞങ്ങാട്: ജില്ലയുടെ വിവിധ ഭാഗങ്ങളിൽ മാരക മയക്കുമരുന്നായ എംഡിഎംഎ പിടികൂടിയ രണ്ട് വ്യത്യസ്ത കേസുകളിൽ കാസർകോട് അഡീഷണൽ  ഡിസ്ട്രിക്ട് സെഷൻസ് കോടതി (2) നിർണ്ണായക വിധി പ്രസ്താവിച്ചു. ജഡ്ജ്  രാമു രമേഷ് ചന്ദ്രഭാനുവാണ് രണ്ട് കേസുകളിലും ശിക്ഷ വിധിച്ചത്.

തളങ്കരയിൽ എംഡിഎംഎ പിടികൂടിയ കേസ്: പ്രതിക്ക് ഒരു വർഷം കഠിന തടവും 20,000 രൂപ പിഴയും വിധിച്ചു

 കടത്ത് ഭാഗത്ത് എംഡിഎംഎ പിടികൂടിയ കേസിൽ പ്രതി കുറ്റക്കാരനാണെന്ന് കണ്ടെത്തിയ കോടതി ഒരു വർഷം കഠിന തടവും 20,000 രൂപ പിഴയും ശിക്ഷ വിധിച്ചു. 2018 നവംബർ 30-ന് തളങ്കര കടത്ത്  2.21 ഗ്രാം എംഡിഎംഎ സഹിതം പിടിയിലായ ഫഹീസ് മൻസിൽ, കെ.കെ. പുരം, തളങ്കര സ്വദേശി അധിനൻ കെ.എമ്മിനെയാണ് 32 അഡീഷണൽ  ഡിസ്ട്രിക്ട് സെഷൻസ് കോടതി (2) ജഡ്ജി  രാമു രമേഷ് ചന്ദ്രഭാനു ശിക്ഷിച്ചത്. പിഴ തുക അടച്ചില്ലെങ്കിൽ പ്രതി രണ്ടു മാസം കൂടി അധിക തടവ് അനുഭവിക്കണമെന്ന് വിധിയിൽ വ്യക്തമാക്കുന്നു. കാസർകോട് പൊലീസ്  രജിസ്റ്റർ ചെയ്ത കേസിൽ, അന്നത്തെ  സബ് ഇൻസ്പെക്ടർ  അജിത്ത് കുമാറും സംഘവുമാണ് പ്രതിയെ പിടികൂടിയത്. തുടർന്ന് അന്വേഷണം പൂർത്തിയാക്കി കുറ്റപത്രം സമർപ്പിച്ചത് അന്നത്തെ വിദ്യാനഗർ ഇൻസ്പെക്ടർ മനോജ് വി.വി. ആണ്. കേസിൽ പ്രോസിക്യൂഷനുവേണ്ടി അഡീഷണൽ ഗവ. പ്ലീഡർ  ചന്ദ്രമോഹനൻ, അഡ്വ.

ചിത്രകല എന്നിവർ ഹാജരായി.

 തെക്കിൽ പാലം എംഡിഎംഎ കടത്ത് കേസ്: ഒന്നാം പ്രതിക്ക് ഒരു വർഷം കഠിന തടവും പിഴയും .

തെക്കിൽ പാലത്തിന് സമീപം കാറിൽ കടത്തുകയായിരുന്ന മയക്കുമരുന്ന് പിടികൂടിയ കേസിൽ ഒന്നാം പ്രതി കുറ്റക്കാരനാണെന്ന് കണ്ടെത്തിയ കോടതി ശിക്ഷ വിധിച്ചു.

2021 ജൂൺ 21-ന് കേസിനാസ്പദമായ സംഭവം നടന്നത്. തെക്കിൽ പാലത്തിന് സമീപം കാറിൽ കടത്തുകയായിരുന്ന 4.30 ഗ്രാം എംഡിഎംഎയാണ്  പിടിച്ചെടുത്തത്.

കേസിൽ ഒന്നാം പ്രതിയായ  ബേക്കൽ പള്ളിക്കര  കല്ലിങ്കാലിലെ

അമീനുല്ല പി.കെ. 29 യെ ഒരു വർഷം കഠിന തടവും 20,000 രൂപ പിഴയും കോടതി വിധിച്ചു. പിഴ തുക ഒടുക്കിയില്ലെങ്കിൽ പ്രതി രണ്ടു മാസം കൂടി അധിക തടവ് അനുഭവിക്കണമെന്ന് വിധിയിൽ വ്യക്തമാക്കുന്നു. അതേസമയം, കുറ്റാരോപിതനായ രണ്ടാം പ്രതി അബൂബക്കർ കെ.എമ്മിനെ 38 കോടതി വെറുതെ വിട്ടു.

മേൽപറമ്പ് പൊലീസ് ആണ് കേസ് രജിസ്റ്റർ ചെയ്തത്. അന്നത്തെ മേൽപറമ്പ് സബ് ഇൻസ്പെക്ടർ എസ്. ബൈജുവും സംഘവുമാണ് പ്രതികളെ പിടികൂടിയത്. തുടർന്ന് അന്വേഷണം പൂർത്തിയാക്കി കുറ്റപത്രം സമർപ്പിച്ചത് അന്നത്തെ മേൽപറമ്പ് ഇൻസ്‌പെക്ടർ ആയിരുന്ന അജിത്കുമാർ പി ആണ്. പ്രോസിക്യൂഷന് വേണ്ടി അഡീഷണൽ ഗവ.പ്ലീഡർ

ചന്ദ്ര മോഹനൻ

 ചിത്രകല എന്നിവർ ഹാജരായിരുന്നു.