കാഞ്ഞങ്ങാട് : കാഞ്ഞങ്ങാട് ഐഷാൽ മെഡിസിറ്റിയിൽ ഓർത്തോ, സ്പോർട്സ് മെഡിസിൻ , ജോയിന്റ് റീപ്ലേസ്‌മെന്റ് വിഭാഗത്തിന്റെ കീഴിൽ മുട്ട് മാറ്റി വയ്ക്കൽ ശസ്ത്രക്രിയ ക്യാമ്പ് സംഘടിപ്പിക്കുന്നു. ഒക്ടോബർ 28 മുതൽ ഡിസംബർ 28 വരെ രണ്ട് മാസം നീണ്ടുനിൽക്കുന്ന ക്യാമ്പാണ് സംഘടിപ്പിക്കുന്നത്.
മുട്ടിന് ഉണ്ടാകുന്ന കഠിനമായ വേദന, വെറുതെ ഇരിക്കുമ്പോഴും നടക്കുമ്പോഴും മുട്ടില്‍ വേദന, കാൽമുട്ടുകൾക്കുള്ള വളവ്, മരുന്ന്, ജീവിതശൈലി മാറ്റം, ഫിസിയോതെറാപ്പി കൊണ്ടും വേദനയിൽ നിന്ന് മോചനം ലഭിക്കാത്തവർ തുടങ്ങി മുട്ടു മാറ്റിവെക്കൽ നിർബന്ധമായ രോഗികൾക്ക് ഏറ്റവും കുറഞ്ഞ നിരക്കിൽ മുട്ട് മാറ്റിവെക്കൽ ശസ്ത്രക്രിയ സേവനം ലഭ്യമാക്കുക എന്ന ലക്ഷ്യത്തോടെയാണ് ക്യാമ്പ്.
കാസർകോട് ജില്ലയിലെ ഏറ്റവും മികച്ച ഓർത്തോപീഡിക്സ് സർജന്മാർ നേതൃത്വം നൽകുന്ന ശസ്ത്രക്രിയ ക്യാമ്പിൽ ഉന്നത നിലവാരമുള്ള ഇമ്പ്ലാന്റുകളാണ് ഉപയോഗിക്കുന്നത്. കാഞ്ഞങ്ങാടിലെ ഏക മോഡുലാർ ഓർത്തോ ഓപ്പറേഷൻ തിയേറ്ററുള്ള ഐഷാൽ മെഡിസിറ്റിയിൽ പ്രതേകം സജ്ജമാക്കിയ സർജിക്കൽ ഇന്റെൻസിവ് കെയർ യൂണിറ്റും, ഫിസിയോതെറാപ്പി യൂണിറ്റും മുട്ട് മാറ്റിവെക്കൽ ശസ്ത്രക്രിയയെ കൂടുതൽ കാര്യക്ഷമവും ഫലപ്രദവുമാക്കുന്നുവെന്ന് ആശുപത്രി അധികൃതർ അറിയിച്ചു.
0 Comments